30.06.2026 | 11:46
Վենեսուելայում երկրաշարժերի զոհերի թիվը գերազանցել է 1700-ը
Եվրամիությունը մեկ տարով երկարաձգել է Իրանի դեմ սահմանված պատժամիջոցները
Քաղաքականություն
12.04.2021 | 20:58
Եվրամիությունը մեկ տարով երկարաձգել է Իրանի դեմ սահմանված պատժամիջոցները՝ այդ երկրում մարդու իրավունքների ոտնահարումների պատճառով։ ԵՄ-ն իր սև ցուցակում ավելացրել է ևս ութ անձի և երեք կազմակերպության: Այս մասին ասված է ԵՄ խորհրդի հայտարարության մեջ։
«Խորհուրդն այսօր որոշում է կայացրել մինչև 2022 թ. ապրիլի 13-ը երկարացնել իր սահմանափակող միջոցառումները՝ ի պատասխան Իրանում մարդու իրավունքների լուրջ խախտումների: Խորհուրդը նաև պատժամիջոցների ցուցակում ներառել է ևս ութ անձի և երեք կազմակերպության՝ հաշվի առնելով 2019-ի նոյեմբերին Իրանում գրանցված բողոքի ցույցերում նրանց ունեցած դերակատարությունը»,- ասված է հայտարարության մեջ։
Դրանում նշվում է, որ «այդ միջոցները ներառում են ճանապարհորդության արգելք և ակտիվների սառեցում, ինչպես նաև Իրան սարքավորումների արտահանման արգելք, որոնք կարող են օգտագործվել ներքին ճնշման և հեռահաղորդակցության մոնիթորինգի համար սարքավորումներ»:
«Բացի այդ, ԵՄ քաղաքացիներին և ընկերություններին արգելվում է միջոցներ տրամադրել նշված ֆիզիկական և իրավաբանական անձանց»,- ասված է հայտարարությունում:
Տաթև Ֆռանգյան
