01.11.2026 | 17:23
Բուլղարիայում մեկնարկել է նախագահական ընտրությունների երկրորդ փուլը
«Իմ քայլը» խմբակցությունը նիստ է անցկացնում
Քաղաքականություն
12.04.2021 | 17:11
Ազգային ժողովի «Իմ քայլը» խմբակցության այն պատգամավորները, որոնք առավոտից խորհրդարանում չէին՝ քիչ առաջ ժամանեցին։ Այս մասին խորհրդարանից հայտնում է Factor TV-ի լրագրողը։
Ժամը 17:00-ին սկսվեց խմբակցության փակ նիստը։ Քննարկման հիմնական թեման վաղը՝ ապրիլի 13-ին, մեկնարկող հերթական քառօրյա նիստերի օրակարգում ընդգրկված օրինագծերն են։
Նշենք, որ օրակարգում պարտադիր քննարկման 12 հարց է առկա, այդ թվում՝ 2-րդ ընթերցման ռեժիմում կքննարկվի «Ապօրինի ծագում ունեցող գույքի բռնագանձման մասին» օրենքում փոփոխություն կատարելու վերաբերյալ հարցը։ Սպասվում է նաև ՀԾԿՀ անդամի նշանակում։
Բացի այդ, «ԱԺ կանոնակարգ» օրենքի 39-րդ հոդվածի 2-րդ մասի 2-րդ կետի համաձայն՝ լիագումար նիստերի օրակարգում ընդգրկվելու է ևս 21 հարց։
Մերի Մարտիրոսյան
