16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
ՌԴ գլխավոր դատախազը հանդիպել է Ալիևին․ քննարկել են տարածաշրջանում հանցագործությունների աճը կանխելու միջոցները
Քաղաքականություն
09.04.2021 | 17:26
Ապրիլի 9-ին Բաքվում կայացել է ՌԴ գլխավոր դատախազ Իգոր Կրասնովի հանդիպումը Ադրբեջանի նախագահ Իլհամ Ալիևի հետ։ Այս մասին այսօր հայտնել են ՌԴ գլխավոր դատախազության մամուլի ծառայությունից, գրում է «Իզվեստիա»-ն։
Կրասնովը նշել է, որ երկու երկրների դատախազությունների աշխատակիցներն իրենց լիազորությունների շրջանակում ակտիվ մասնակցություն են ունենում ՌԴ, Ադրբեջանի և ՀՀ առաջնորդների ձեռք բերած հայատարարությունների իրականացմանը: Ռուսաստանի գլխավոր դատախազը՝ համագործակցության գերակա ոլորտներից նշել է հումանիտար խնդիրները, ռազմական գործողություններից տուժած անձանց իրավունքները վերականգնելու ջանքերի միավորումը, նրանց օգնություն ցուցաբերելը, տարածաշրջանում հանցագործությունների աճը կանխելու և անդրազգային հանցավոր դրսևորումների դեմ պայքարի միջոցներ ձեռնարկելը:
Բացի այդ, Կրասնովը հետաքրքրություն է հայտնել իրավաբանական ոլորտում Բաքվի և Մոսկվայի միջև հետագա համագործակցությունը զարգացնելու հարցում:
Հիշեցնենք՝ Ռուսաստանի Դաշնության գլխավոր դատախազը Երևանում հանդիպել էր Հայաստանի վարչապետ Նիկոլ Փաշինյանի հետ:
Տաթև Ֆռանգյան
