19.12.2025 | 23:07
Պետությունը շարունակելու է աշխատանքներ իրականացնել սոցբնակարանային ֆոնդի ընդլայնման ուղղությամբ. ԱՍՀ նախարար
Զելենսկին կհանդիպի Մերկելի ու Մակրոնի հետ՝ առանց Պուտինի
Քաղաքականություն
09.04.2021 | 15:40
Ուկրաինայի նախագահի աշխատակազմի ղեկավարի տեղակալ Իգոր Ժովկվան հայտնել է, որ երկրի ղեկավար Վլադիմիր Զելենսկին հանդիպումներ կունենան Գերմանիայի կանցլեր Անգելա Մերկելի ու Ֆրանսիայի նախագահ Էմանուել Մակրոնի հետ։ Այս մասին հայտնում է ուկրաինական lb.ua-ը։
Ժովկվայի խոսքով՝ Դոնբասում իրավիճակի սրման պատճառով Կիևը կոչ է արել դիմել նորմանդյան ձևաչափով բանակցությունների, իսկ Մոսկվան այդ հանդիպման նկատմամբ հետաքրքրվածություն չի ցուցաբերել։
Ժովկվան նաև հայտարարել է, որ Ռուսաստանը նպատակադրված կերպով փորձում է բանակցությունները տանել «ոչ կառուցողական ճանապարհով»։
Ավելի վաղ Զելենսկին այցելել էր Դոնբասում ռազմական դիրքեր, ինչից հետո նա հաստատել է տարածաշրջանում իրավիճակի սրումը։
Տաթև Ֆռանգյան
