18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Քոչարյանի հայցը` ընդդեմ Փաշինյանի. վարչապետը` Արցախում ծրագրերի մասին. Լուրեր
Քաղաքականություն
08.04.2021 | 18:31
Վարչապետ Նիկոլ Փաշինյանն ընդունել է Արցախի նախագահ Արայիկ Հարությունյանին ու տեղեկացրել է Ռուսաստանի նախագահի հետ իր հանդիպման արդյունքների մասին։ Փաշինյանը նաև կարևորել է ռուս խաղաղապահների առաքելությունը Արցախում։ Վարչապեը նաև հայտնել է, որ մինչև հիմա միլիարդավոր դրամների ծրագրեր են իրականացվել Արցախում։
—
ԱՄՆ Պետքարտուղարությունը պնդում է, որ Ռուսաստանը, հնարավոր է, ձգտում է պահպանել Լեռնային Ղարաբաղի հակամարտությունը և ոչ թե կարգավորել այն։ Նման կարծիք է հայտնել ԱՄՆ պետքարտուղարի Եվրոպայի ու Եվրասիայի հարցերով օգնականի տեղակալ Ջորջ Քենթը։
—
Երկրորդ նախագահ Ռոբերտ Քոչարյանի փաստաբանական թիմը հայց է ներկայացրել ընդդեմ Հայատանի և վարչապետ Նիկոլ Փաշինյանի։ Պաշտպանները պահանջում են որպես զրպարտություն համարել Փաշինյանի մարտի 1-ի արտահայտությունները, հերքել դրանք և ճանաչել Քոչարյանի անմեղության կանխավարկածը։ Խախտումների համար պահանջվող փոխհատուցման ընդհանուր չափը կազմում է 4 մլն դրամ։
—
Դատարանը վերադարձրել է Տավուշի նախկին մարզպետ, այժմ ԲՏԱ նախարար Հայկ Չոբանյանի հայցադիմումը նախկին վարչապետ Հրանտ Բագրատյանի դեմ: Որոշումը կարող է բողոքարկվել ՀՀ վերաքննիչ քաղաքացիական դատարան՝ այն ստանալուց հետո յոթնօրյա ժամկետում:
