07.10.2026 | 23:48
Արթուր Դանիելյանը կալանավորվեց
Մարտի 1-ի գործով այն, ինչ եղավ, խոսում է անկարող իշխանության մասին. մի քանի պաշտոնյա պետք է հեռացվի. Արման Բաբաջանյան. ՏԵՍԱՆՅՈՒԹ
Քաղաքականություն
07.04.2021 | 12:34
Ես կարծում եմ, որ երկրում իրավական քաղաքականությունն ամբողջությամբ ձախողված ու տապալված է, և ես հույս ունեի, որ իշխանություններն առնվազն գործող մի քանի պաշտոնյաների գլուխներն արդեն պիտի թռցրած լինեին, առնվազն մի քանի պաշտոնյաներ պետք է արդեն պաշտոնանկ արված լինեին։ Այս մասին լրագրողների հետ զրույցում նշեց ՀՀ ԱԺ անկախ պատգամավոր Արման Բաբաջանյանը։
Նրա կարծիքով՝ պաշտոնին պետք է չլիներ արդարադատության նախարարը, որովհետև նա ուղղակի պատասխանատու է եղել այն բարեփոխումների համար, որոնք պետք է դատական համակարգը հիմնավորապես առողջացման տանեին։
«Այն, ինչ տեղի ունեցավ, խոսում է երկչոտ, անկարող իշխանության մասին, և դատական համակարգը, ըստ էության, դիրքավորվել է գործող այս քաղաքական միջավայրին համապատասխան»,- հավելեց Բաբաջանյանը։
Ըստ պատգամավորի՝ հանցավոր համաձայնությամբ տապալվել է Մարտի 1-ի գործը։
«Կա հանցանքը, բայց չկա հոդվածը։ Բայց կա 85 հատոր քրեական գործը, որտեղ ահռելի վկայություններ կան արդեն անմեղ ճանաչված Ռոբերտ Քոչարյանի ուղղակի հանցակցության և հանցագործությանը մասնակից լինելու վերաբերյալ»,- նշեց նա։
Մանրամասները՝ տեսանյութում։
