30.06.2026 | 11:35
ԱՄՆ-ի և Իրանի բանակցողները մեկնում են Դոհա, սակայն հանդիպումը հաստատված չէ
Վրաստանում ստեղծվել է երկրի զարգացման և բարեփոխումների միջգերատեսչական խորհուրդ
Քաղաքականություն
06.04.2021 | 21:43
Վրաստանի կառավարության որոշմամբ, ստեղծվել է երկրի զարգացման և բարեփոխումների միջգերատեսչական խորհուրդ, որը վարչապետ Իրակլի Ղարիբաշվիլիի նախաձեռնության համաձայն, կմշակի երկրի զարգացման տասնամյա ծրագիրը, այս մասին գրում է aliq.ge-ն: Միջգերատեսչական խորհուրդը կգլխավորի Վրաստանի կառավարության ղեկավարը:
Զարգացման եւ բարեփոխումների խորհրդի անդամները կլինեն նախարարներ, պատգամավորներ եւ այլ պաշտոնատար անձինք: Զարգացման և բարեփոխումների խորհուրդը լիազորված է ստեղծել աշխատանքային խմբեր և ենթախմբեր, ինչպես նաև անհրաժեշտության դեպքում հրավիրել համապատասխան գերատեսչությունների կամ համապատասխան ոլորտի մասնագետների, փորձագետների և մասնավոր հատվածի ներկայացուցիչների:
Զարգացման և բարեփոխումների խորհրդի նպատակն է ոչ ուշ, քան 2021 թվականի մայիսի 31-ը, Վրաստանի կառավարությանը ներկայացնել տասնամյա զարգացման ծրագրի նախնական փաստաթուղթը:
