Քաղաքականություն
30.03.2021 | 15:51
Հայաստանում ԵՄ պատվիրակության ղեկավար, դեսպան Անդրեա Վիկտորինը, վերջերս ելույթ ունեցավ Հայաստանում կանանց տնտեսական հզորացման աշխատանքային խմբում, որը համաղեկավարում են Հայաստանի Աշխատանքի և սոցիալական հարցերի նախարարությունը և Համաշխարհային բանկի հայաստանյան գրասենյակը։
Դեսպան Վիկտորինը նշեց՝ Եվրամիությունը հաստատապես համոզված է, որ կանանց տնտեսական հզորացման հնարավոր է հասնել միայն երիտասարդ տարիքից գենդերային հավասարության խթանման և հասարակության բոլոր մակարդակներում օժանդակ կառույցներ ստեղծելու միջոցով:
«Հայ կանայք և, մասնավորապես, նրանք, ովքեր ծնվել են գյուղական վայրերում և մարգինալացված ընտանիքներում, շատ ծանր բեռ են կրում: Հայ հասարակությունը շատ բան կարող է շահել աղջիկների և կանանց զարգացման համար ներդրված յուրաքանչյուր դրամից, այդ թվում` երեխաների որակյալ խնամքի և առողջապահական ծառայություններ, գործատուներ, որոնք առաջարկում են հավասար վարձատրություն, արժանապատիվ և ճկուն աշխատանքային պայմաններ, կին ձեռներեցների համար նախատեսված ցածր տոկոսադրույքով կամ անտոկոս ֆինանսավորում։ Դրանք արդյունավետ ծախսված գումարներ են, որոնք ուղղակիորեն փոխակերպվում են ՀՆԱ-ի ավելացման, ավելի լավ կենսապայմանների և հասարակության համար ավելի լավ ապագայի»,- նշեց դեսպանը ելույթի ընթացքում:
