08.10.2026 | 17:35
Եվրախորհրդարանում կոչ են արել փակել ԵՄ տարածքում գործող բոլոր «Ռուսական տները»
Ակնկալում ենք, որ Թուրքիան փոփոխության կենթարկի ՀՀ-ի հանդեպ ագրեսիվ քաղաքականությունը. ԱԳ նախարար․ ՏԵՍԱՆՅՈՒԹ
Քաղաքականություն
29.03.2021 | 13:07
Արտաքին քաղաքականության վերաբերյալ Հայաստանի պաշտոնական դիրքորոշումը հնչեցվում է ՀՀ վարչապետի և ՀՀ ԱԳ նախարարի կողմից: 20-րդ դարի առաջին ցեղասպանությունը վերապրած հայ ժողովուրդը միայն կարող է գիտակցել խաղաղության գինը: Մենք չենք փնտրում թշնամիներ: Այս մասին ԱԺ արտաքին հարաբերությունների մշտական հարցերի հանձնաժողովի արտահերթ նիստում ասաց ՀՀ արտաքին գործերի նախարար Արա Այվազյանը՝ պատասխանելով ԱԺ ԲՀԿ խմբակցության քարտուղար Արման Աբովյանի՝ հայ-թուրքական հարաբերությունների հնարավոր կարգավորման մասին տարբեր պաշտոնյաների կողմից և տարբեր աղբյուրների կողմից հնչող լուրերի վերաբերյալ հարցին:
«ՀՀ անկախացումից մինչև օրս Հայաստանը տարբեր նախաձեռնություններով է հանդես եկել Թուրքիայի հետ հարաբերությունները կարգավորելու ուղղությամբ: Վերջին գործընթացը ցյուրիխյանն էր, որն ի չիք դարձվեց Թուրքիայի կողմից: Ինչպես միջպետական, այնպես էլ միջանձնային հարաբերություններում կարևորը փախադարձության սկզբունքն է: Սակայն ազնիվ և առանց նախապայմանների կարգավորման վերաբերյալ մեր նախաձեռնությունը չփոխադարձվեց Անկարայի կողմից, ավելին՝ Հայոց ցեղասպանությունը ոչ միայն չի դադարեցվել, այլև արտահանվել է մեր տարածաշրջան:
Մենք գիտակցում ենք՝ ինչ հեռանկարներ կարող են ստեղծել խաղաղությունը և հաշտեցումը, բայց դրանք լոկ բառեր չեն: Որպեսզի իրապես խաղաղություն լինի մեր տարաշարջանում, ակնկալում ենք, որ Թուրքիան արմատական փոփոխությունների կենթարկի իր ագրեսիվ քաղաքականությունը և կվերացնի թշնամական գործողությունները»,- նշեց նախարարը՝ հավելելով, որ պատմության մեջ շատ են եղել դեպքեր, երբ երկրները գտել են քաղաքական կամք և ձևավորել բարիդրացիական հարաբերություներ: Այվազյանը հույս հայտնեց, որ Թուրքիայում այդ գիտակցումը մի օր կգա:
Մանրամասները՝ տեսանյութում:
