20.02.2026 | 16:35
Վաշինգտոնը քննում է Ալիևի թիկնապահների կողմից ադրբեջանցիների ծեծի միջադեպը
Դոնեցկում կրակոցների վերսկսումից հետո մեկ շաբաթվա ընթացքում 3 մարդ է զոհվել
Քաղաքականություն
26.03.2021 | 20:56
Վերջին շաբաթվա ընթացքում ինքնահռչակ Դոնեցկի ժողովրդական հանրապետության տարածքում երեք մարդ է զոհվել՝ Ուկրաինայի զինված ուժերի կողմից արձակած կրակոցների պատճառով։ Այս մասին լրագրողներին հայտնել են Դոնեցկի օմբուդսմենի գրասենյակից, գրում է ՌԻԱ Նովոստին:
«2021 թ.-ի մարտի 20-ից 26-ն ընկած ժամանակահատվածում հանրապետությունում երկու զինծառայող և մեկ քաղաքացիական անձ է սպանվել»,- հայտնել է կառույցի ներկայացուցիչը՝ հավելելով, որ այս ժամանակահատվածում կրակոցների արդյունքում վիրավորներ չկան:
Նա հիշեցրել է, որ տարեսկզբից 9 մարդ տարբեր ծանրության վնասվածքներ է ստացել, զոհվել է 20 մարդ, որոնցից 19-ը՝ աշխարհազորային:
Հավելենք, որ Դոնեցկում զինված հակամարտության մեկնարկից ի վեր մահացել է 4981 մարդ, այդ թվում՝ 90 երեխա:
Տաթև Ֆռանգյան
