17.02.2026 | 17:08
Ընտրություններին հայտ ներկայացրած ուժեր կան, որոնց գումարների ծագումից տեղյակ չենք․ փորձագետ. ՏԵՍԱՆՅՈՒԹ
Կշարունակենք ֆինանսավորել զբոսաշրջությունը, գյուղատնտեսությունը և փոքր բիզնեսի զարգացումը․ Անդրեա Վիկտորին
Տնտեսություն
26.03.2021 | 16:07
Եվրամիությունը կշարունակի աջակցել Հայաստանին, կշարունակենք ֆինանսավորել զբոսաշրջությունը, գյուղատնտեսությունը և փոքր բիզնեսի զարգացումը։ Այս մասին այսօր Տավուշի դոնոր կազմակերպությունների կոորդինացման հարթակի ամենամյա 2-րդ՝ «Տավուշի զարգացման ռազմավարության նախագիծը 2021-2025 թվականների համար» համաժողովի ժամանակ նշեց Հայաստանում ԵՄ պատվիրակության ղեկավար, դեսպան Անդրեա Վիկտորինը:
«Երկարաժամկետ համագործակցության հարթակ ունենք, որն ուղղված է Հայաստանի մարզերում խոցելի տարածքների զարգացմանը։ Այն նաև ներառված է ՀՀ-ԵՄ Համապարփակ և ընդլայնված գործընկերության համաձայնագրում: Տավուշի մարզն այն վայրերից է, որտեղ ԵՄ-ն ակտիվորեն ծրագրեր է իրականացնում։ Տավուշի զարգացումը համահունչ կլինի նաև Եվրամիության ռազմավարությանը։ Կարևոր է նաև կորոնավիրուսային համավարակից և պատերազմից տուժածներին աջակցություն ցուցաբերելը, ինչպես նաև կանաչ միջավայրի զարգացման ծրագրերի իրականացումը։ Բոլորս գիտենք, թե որքան դժվար էր անցյալ տարին, և Տավուշի մարզը նույնպես զգաց բացասական ազդեցությունը»,- ասաց Անդրեա Վիկտորինը։
ԵՄ պատվիրակության ղեկավարը նաև ընդգծեց COVID-19-ի դեմ պատվաստման վերաբերյալ հանրության իրազեկվածության բարձրացման կարևորությունը։
«Մեր բոլոր ջանքերն ապարդյուն կլինեն, եթե կորոնավիրուսը շարունակի տարածվել։ Հույս ունենք, որ ամեն ինչ կարվի՝ կորոնավիրուսի հետևանքները նվազագույնի հասցնելու համար»,- եզրափակեց ԵՄ դեսպանը։
