17.09.2026 | 12:56
Երկրաշարժ Շողակաթ գյուղից 3 կմ հարավ-արևելք
Ծովում Իրանի և Իսրայելի դիմակայությունը վտանգավոր կերպով սրվում է․ The Times of Israel
Քաղաքականություն
26.03.2021 | 19:51
Երբ հինգշաբթի երեկոյան տեղեկություններ հայտնվեցին իսրայելական առևտրական նավին իրանական հերթական հարվածի մասին, հաստատվեց, որ ծովում Իրանի և Իսրայելի դիմակայությունը վտանգավոր կերպով սրվում է:
Սա տեղավորվում է այն սխեմայում, որը մշակվել է վերջին ամիսներին: Իրանը ավելի ագրեսիվ դիրքորոշում է որդեգրել մի քանի ճակատներում, ինչպես հռետորական, այնպես էլ ցամաքային և ծովային ուղիղ գործողությունների ժամանակ, քանի որ լարվածությունն աճում է ԱՄՆ նոր վարչակազմի և տարածաշրջանում Իսլամական Հանրապետության հակառակորդների հետ, գրում է The Times of Israel թերթը:
Հինգշաբթի գրանցված հարձակումն առաջին դեպքը չէր, երբ Իրանը իբրև թե հարձակում է իրականացնում իսրայելական բեռնանավերի վրա: Փետրվարի 26-ին Օմանի ծոցում պայթյուն էր որոտացել Բահամյան դրոշի տակ նավարկող, սակայն Իսրայելին պատկանող MV Helios Ray բեռնարկղային նավի վրա: Հրեական պետության ռազմաքաղաքական ղեկավարությունն անմիջապես Իրանին մեղադրեց նավի վրա հարձակման մեջ:
Թեհրանը, իր հերթին, կտրականապես հերքեց մեղադրանքները, բայց փորձագետները պնդում են, որ Արաբական ծովում վերջին հարձակումն ունի նախորդ հարձակումների նշանները, որոնք վերագրվում են իրանցիներին, նշում է թերթը:
Տաթև Ֆռանգյան
