26.08.2026 | 20:13
Մի փունջ կոռուպցիա նվեր եմ տվել ձեզ, ձեր քննչականը, իհարկե, գործ չի հարուցի․ Մեսրոպ Մանուկյան. ՏԵՍԱՆՅՈՒԹ
110 մլրդ` Արցախում բնակարանաշինության համար. Այվազյանը և Բայրամովը կհանդիպեն Լավրովի հետ. Լուրեր
Քաղաքականություն
26.03.2021 | 15:02
Երևանում տեղի է ունեցել Հայաստանի և Արցախի անվտանգության խորհուրդների համատեղ նիստ: Վարչապետ Նիկոլ Փաշինյանն ասել է, որ նախաձեռնել են Արցախում շուրջ 110 միլիարդ դրամի բնակարանաշինության և ենթակառուցվածքների կառուցման ծրագիր։ Արցախի նախագահ Արայիկ Հարությունյանն ասել է, որ ունեն մոտ 4 հազար տուն կառուցելու նախնական նախագծեր, որոշակի աշխատանքներ, և առաջիկա ամիսների ընթացքում ևս 2 հազար տուն կառուցելու նախագծեր կմշակեն։
—
ՌԴ ԱԳ նախարար Սերգեյ Լավրովն ապրիլի 2-ին ԱՊՀ անդամ պետությունների ԱԳ նախարարների խորհրդի նիստի շրջանակում հանդիպումներ կանցկացնի Հայաստանի ու Ադրբեջանի իր գործընկերների հետ։ Հայտնել է ՌԴ ԱԳՆ պաշտոնական ներկայացուցիչ Մարիա Զախարովան՝ առանց օրակարգը ներկայացնելու։
Հայաստանում Ռուսաստանի դեսպան Սերգեյ Կոպիրկինը կարծիք է հայտնել, որ հանդիպմանը կարող է քննարկվել նաև գերիների վերադարձի հարցը։
—
Այս տարվա համար տուրիզմի աճը նախորդ տարվա համեմատ կանխատեսվել է 319 տոկոս։ Այս մասին հայտարարել է էկոնոմիկայի նախարար Վահան Քերոբյանը։ Նա նշել է, որ անցյալ տարի այս ամսին Հայաստանում զբոսաշրջիկներ չկային, իսկ այս տարի արդեն իրանցիներ կան Նովրուզի տոնի կապակցությամբ։
