30.06.2026 | 17:35
ՍԴ-ն փակ նիստից հետո աշխատանքը շարունակում է բաց ռեժիմով․ ՈՒՂԻՂ
Օնիկ Գասպարյանի ներկայացրած հանցագործության մասին հաղորդումը ՀՔԾ է ուղարկվել․ Դատախազություն
Հասարակություն
26.03.2021 | 14:00
ՀՀ ԶՈՒ Գլխավոր շտաբի նախկին պետ Օնիկ Գասպարյանի փաստաբանի կողմից Դատախազություն ներկայացված հանցագործության մասին հաղորդումը սահմանված կարգով ուղարկվել է Հատուկ քննչական ծառայություն։ Factor.am-ին այս մասին հայտնեցին ՀՀ Գլխավոր դատախազությունից։
Սա, ըստ էության, նշանակում է՝ ՀՔԾ-ում հաղորդման վերաբերյալ նյութեր կնախապատրաստվեն։
Հիշեցնենք՝ Օնիկ Գասպարյանն իր պաշտոնանկության հարցով դիմել է Վարչական դատարան, որը բավարարել է նրա պաշտպանի միջնորդությունը հայցի ապահովման միջոց կիրառելու մասին։ Իր հերթին, ՀՀ վարչապետի աշխատակազմը հայտարարել է, որ Գասպարյանն ազատված է ԳՇ պետի պաշտոնից, ինչից հետո նրա փաստաբանը հայտարարեց, որ Դատախազություն հաղորդում են ներկայացնելու:
Ռոբերտ Անանյան
