30.06.2026 | 17:35
ՍԴ-ն փակ նիստից հետո աշխատանքը շարունակում է բաց ռեժիմով․ ՈՒՂԻՂ
Բայդենն անհրաժեշտ է համարել շարունակել ԱՄՆ-ԵՄ համագործակցությունը Հարավային Կովկասում
Քաղաքականություն
26.03.2021 | 13:12
ԱՄՆ նախագահ Ջո Բայդենն անհրաժեշտ է համարել շարունակել ԱՄՆ ու ԵՄ համագործակցությունը Հարավային Կովկասում, Թուրքիայում, Արևելյան Եվրոպայում ու Արևմտյան Բալկաններում։ Այս մասին վերջինս հայտարարել է տեսակապի միջոցով դիմելով Եվրոպայի խորհրդի գագաթնաժողովի մասնակիցներին, հայտնում են Սպիտակ տնից։
ԱՄՆ նախագահը նաև կողմ է արտահայտվել ԵՄ-ի հետ Ռուսաստանի ու Չինաստանի հարցերով փոխգործակցությանը։ Բայդենը կոչ է արել Բրյուսելին սերտ համագործակցել ընդհանուր խնդիրների լուծման հարցում, այդ թվում նաև՝ կորոնավիրուսի ու կլիմայի փոփոխության, տնտեսական կապերի խորացման հարցում։
«Նախագահը նաև ցանկություն է հայտնել համատեղ աշխատել արտաքին ընդհանուր հետաքրքրություն ներկայացնող թեմաների շուրջ: Բացի այդ, նա նշել է, որ անհրաժեշտ է շարունակել ԱՄՆ-ի և ԵՄ-ի համագործակցությունը Թուրքիայում, Հարավային Կովկասում, Արևելյան Եվրոպայում և Արևմտյան Բալկաններում », – ասված է հաղորդագրության մեջ:
Տաթև Ֆռանգյան
