27.03.2026 | 23:30
Պորտուգալիայում քահանաների կողմից սեռական բռնության զոհերին ավելի քան 1,6 միլիոն եվրո փոխհատուցում է հատկացվել
Օլիմպիական կրակը 2 օրվա ընթացքում հանգել է 2-րդ անգամ
Քաղաքականություն
26.03.2021 | 14:45
2020 թվականի ամառային խաղերի օլիմպիական կրակի փոխանցումավազքի մասնակիցը հանգած ջահը ձեռքին է անցել վազքուղին, հաղորդում է NHK հեռուստաալիքը:
Միջադեպը տեղի է ունեցել այսօր Ֆուկուսիմա պերֆեկտուրայի Իիտատէ գյուղում։ Ջահակիրը ուշադրություն չի դարձրել, որ կրակը փոխանցավազքի ժամանակ այն չի վառվել։ Ջահը վառել են միայն վազքուղու վերջում։
Հավելենք, որ սա փոխանցավազքի մեկնարկից ի վեր արդեն նմանատիպ 2-րդ դեպքն է։ Մարտի 25-ին կրակը հանգել էր վազքի ժամանակ՝ ուժեղ քամու պատճառով։
Հիշեցնենք՝ օլիմպիական կրակի փոխանցավազքը կտևի 121 օր ու կիրականացվի Ճապոնիայի 47 պերֆեկտուրաների բոլոր 859 մունիցիպալիտետներում։ Ակնկալվում է, որ օլիմպիական կրակի փոխանցավազքին կմասնակցի շուրջ 10 հազար մարդ։
Ամառային Օլիմպիական խաղեր-2020-ը տեղի կունենան հունիսի 23-ից օգոստոսի 8-ը։ 2020 թվականին Օլիմպիական խաղերը կորոնավիրուսային համաճարակի պատճառով տեղափոխվել էին 2021 թվականին։ Հիվանդության տարածման վտանգի պատճառով՝ որոշում է կայացվել Օլիմպիական խաղերն անցկացնել առանց օտարերկրյա դիտորդների։
Տաթև Ֆռանգյան
