17.09.2026 | 13:01
Հիփոթեք ունեմ 11,5%-ից դառել ա 13%, էդ ո՞նց ա ստացվում․ «Ուժեղ Հայաստանի» պատգամավոր․ ՏԵՍԱՆՅՈՒԹ
BioNTech-ն ու Pfizer-ը սկսել են պատվաստանյութի փորձարկումները երեխաների վրա
Քաղաքականություն
26.03.2021 | 14:27
Աշխարհը շարունակում է պայքարել COVID-19-ի դեմ։ Աշխարհի տարբեր երկրներ շարունակում են բնակչության պատվաստումները։ Գերմանական BioNTech և ամերիկյան Pfizer ընկերությունները Moderna և AstraZeneca ընկերություններից հետո հայտնել են երեխաների վրա կլինիկական փորձարկումների մասին։
«Շարունակվող կլինիկական փորձարկումների գլոբալ փուլի շրջանակներում՝ BioNTech մեր գործընկերոջ հետ մենք առաջին խմբի պատվաստանյութը ներարկել ենք առողջ երեխաներին»,- հայտարարել է Pfizer-ը։
Ակնկալվում է, որ փորձարկումների շրջանակներում կուսումնասիրվի պատվաստանյութի անվտանգությունը, տանելիությունը և արդյունավետությունը վեց ամսականից մինչև 11 տարեկան տարիքային խմբի երեխաների համար:
Ըստ ծրագրի ՝ BioNTech / Pfizer-ը երեխաների համար կօգտագործվի 2022 թվականի սկզբից:
Worldometer կայքի տվյալների համաձայն՝ SARS-CoV-2-ի տարածման մեկնարկից ի վեր այս ինֆեկցիան հայտնաբերվել է երկիր մոլորակի ավելի քան 126 միլիոն բնակչի մոտ։ Ավելի քան 2,7 միլիոն մարդ մահացել է COVID-19 հաստատված ախտորոշմամբ, առողջացել է 101 միլիոն մարդ։
Տաթև Ֆռանգյան
