18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Ադրբեջանցիները «անհետացրել» են հայկական եկեղեցին. ՊՊԾ աշխատավարձերը մինչև 2 անգամ կբարձրանան. Լուրեր
Քաղաքականություն
25.03.2021 | 15:04
Ադրբեջանցիները հիմնահատակ ավերել են Մեխակավանում՝ Ջեբրայիլում կառուցված հայկական եկեղեցին։ BBC-ի լրագրողն այցելել է եկեղեցու գտնվելու վայրն ու տեսել, որ դրա նույնիսկ հետքը չի մնացել։ Լրագրողը բացահայտել է, որ պատերազմի ընթացքում եկեղեցին անվնաս էր մնացել, դրա տարածքը գրավելուց հետո ադրբեջանցիները պղծել էին այն ու տեսանկարահանել։ Հիմա եկեղեցուց ոչինչ չի մնացել։
—
Անվտանգության խորհրդի քարտուղար Արմեն Գրիգորյանն այսօր հայտարարել է, որ առաջին անգամ Օնիկ Գասպարյանը հոկտեմբերի 19-ին է ասել, որ զինված ուժերի կարողությունները չեն ձգում, 2-3 օրից պատերազմը պետք է դադարեցնել։
Անդրադառնալով Սու-30 ինքնաթիռներին՝ նա ասել է, որ դրանց համար հրթիռների ձեռքբերման ժամկետն ավելի երկար էր, քան սկսվեց պատերազմը
—
Կառավարությունն այսօր չզեկուցվող նախագծով որոշեց ավելացնել ոստիկանների աշխատավարձերը: Նախագծի համաձայն` ՊՊԾ դասակների կրտսեր տեսուչների աշխատավարձը ներկայիս 190.552 դրամից կդառնա 320․000 դրամ։ Լեյտենանտի կոչումով, 2-5 տարվա զինծառայության ստաժով պարեկի ամսական աշխատավարձը նախատեսվում է սահմանել ամսական 402․181 դրամ՝ ներկայիս 198.565 դրամի փոխարեն։ Աշխատավարձերի բարձրացումը նախատեսված է ապրիլի 1-ից:
