11.05.2025 | 21:23
«Ես Պուտինին կսպասեմ հինգշաբթի օրը՝ Թուրքիայում»․ Վլադիմիր Զելենսկի
ՀՀ տնտեսական ակտիվության ցուցանիշը փետրվարին նվազել է 5,3%-ով․ նվազման տեմպը դանդաղել է
Տնտեսություն
25.03.2021 | 13:54
ՀՀ տնտեսական ակտիվության ցուցանիշը փետրվարին, նախորդ տարվա նույն ամսվա համեմատ, նվազել է 5․3%-ով, իսկ այս տարվա հունվարի համեմատ տնտեսական ակտիվության ցուցանիշի աճ է նկատվել՝ 12․4%-ով։ Այս մասին տեղեկանում ենք Պետական վիճակագրական ծառայության հրապարակած տվյալներից։
Նկատենք, որ տնտեսական ակտիվության ցուցանիշի նվազման տեմպը փետրվարին դանդաղել է։ Այսպես՝ հունվարին, նախորդ տարվա նույն ամսվա համեմատ, ՏԱՑ-ի նվազումը կազմել էր 8․2%, իսկ 2020 թվականի դեկտեմբերին, 2019 թվականի դեկտեմբերի նկատմամբ, 8.8%, փետրվարին նվազումը կազմել է 5․3%:
Սպառողական գների ինդեքսը, նախորդ տարվա նույն ամսվա համեմատ, աճել է 5․3%-ով, իսկ նախորդ ամսվա համեմատ՝ 0․6 %-ով։
Արդյունաբերական արտադրանքի ծավալը նվազել է 5․1%-ով, շինարարության ծավալն ավելացել է 1․1%-ով։
Առավելապես տուժել է ծառայությունների ոլորտը՝ նվազելով 12․2%-ով, առևտրի և շրջանառության ոլորտի անկումը կազմել է 7․8%, արտաքին առևտրաշրջանառությունը նվազել է 9.5%-ով, որից արտահանման նվազումը կազմել է 2%, ներմուծմանը՝ 12.6 %:
Միջին անվանական ամսական աշխատավարձը փետրվարին, նախորդ տարվա նույն ամսվա համեմատ, բարձրացել է 0․9%-ով, պետական հատվածում միջին ամսական անվանական աշխատավարձն ավելացել է 2%-ով, իսկ ոչ պետական հատվածում՝ 0.6 %-ով:
Անժելա Պողոսյան
