08.10.2026 | 10:22
Երևան–Սևան ճանապարհին միկրոավտոբուս է կողաշրջվել․ 8 տուժած կա
Մեր օրակարգում եղել է և շարունակում է մնալ սահմանադրական փոփոխությունների հարցը․ Փաշինյան. ՏԵՍԱՆՅՈՒԹ
Քաղաքականություն
24.03.2021 | 17:46
Ազգային ժողով-կառավարություն հարցուպատասխանի ժամանակ անկախ պատգամավոր Արման Բաբաջանյանի հարցն ուղղված էր արտահերթ ընտրությունների շուրջ ձեռք բերված համաձայնությանը. «Պարոն վարչապետ, ուզում եմ գնահատեք քաղաքական դաշտի ընդհանուր արձագանքները: Խորհրդարանից դուրս որոշ սուբյեկտներ հայտարարել են, որ պատրաստ են մասնակցելու, որոշները չունեն վերջնական որոշում, որոշներն էլ որոշել են բոյկոտել: Սա բավարա՞ր է քաղաքական ճգնաժամը հանգուցալուծելու համար»:
Պատգամավորը խնդրեց նշել, թե մասնավորապես ինչին է վերաբերել վարչապետ-նախագահ հանդիպումը. «Մանավանդ, որ նախագահը հանդիպումների նոր շարք է սկսել»:
«Դեռ ժամանակ կա, մինչև քաղաքական ուժերը վերջնական որոշում կայացնեն ընտրություններին մասնակցել-չմասնակցելու վերաբերյալ»,- պատասխանեց վարչապետ Նիկոլ Փաշինյանը:
Անդրադառնալով նախագահ Արմեն Սարգսյանի հետ նախօրեին ունեցած հանդիպմանը՝ վարչապետը նշեց, որ այդպիսի հանդիպումներն ու քննարկումները կրել են և կրում են պարբերական բնույթ, և դրանք պետք է շարունակվեն:
«Ասել եմ նաև, որ իրավիճակի վերլուծության և հայտնի հանգամանքների բերումով՝ մեր օրակարգում եղել է և շարունակում է մնալ սահմանադրական փոփոխությունների հարցը: Այլ բան, որ պետք է դրա կոնկրետ պարամետրերը և բովանդակությունը քննարկել և գալ կոնկրետ համաձայնությունների»,- նշեց Փաշինյանը:
Մանրամասները՝ տեսանյութում:
