17.09.2026 | 16:06
Թրամփը ՄԱԿ ԳՎ-ի շրջանակում Իրանի պատերազմը կքննարկի Պարսից ծոցի երկրների ղեկավարների հետ
Փոխգնդապետ Մանվել Կարապետյանը Արցախի նախագահի հրամանագրով հետմահու պարգևատրվել է «Մարտական խաչ» 1-ին աստիճանի շքանշանով
Հասարակություն
24.03.2021 | 17:08
2020 թվականի սեպտեմբերի 27-ին հակառակորդի սանձազերծած լայնածավալ ռազմական գործողությունների ընթացքում հայրենիքը պաշտպանելիս ցուցաբերած բացառիկ քաջության և արիության համար Արցախի Հանրապետության ՊԲ N զորամասի 3-րդ հրաձգային գումարտակի հրամանատար, փոխգնդապետ Մանվել Արծրունու Կարապետյանը Արցախի նախագահի հրամանագրով հետմահու պարգևատրվել է «Մարտական խաչ» 1-ին աստիճանի շքանշանով. տեղեկացնում են Շիրակի մարզպետարանից:
«Շքանշանն այսօր փոխգնդապետի ընտանիքին է փոխանցել Շիրակի մարզպետ Հովհաննես Հարությունյանը՝ պատասխանատուների հետ միասին։
«Հերոս Մանվելի ու մեր բոլոր զինվորիների սխրանքն անմահ է, նրանց հիշատակն՝ անմար, մենք խոնարհվում ենք Ձեր և նրանց առջև, հանուն հայրենիքի մեր հերոսները չխնայեցին ամենաթանկը և կյանքի գնով պայքարեցին հանուն հայրենիքի»,- նշել է Հովհաննես Հարությունյանը։
31-ամյա փոխգնդապետն անմահացավ Արցախում, 11 տարիներ այնտեղ ծառայել ու այնտեղ էր բնակվել ընտանիքի՝ կնոջ և երկու դուստրերի հետ»,- ասված է հաղորդագրությունումԼ
