23.04.2024 | 22:48
ՄԻՊ-ը հեռախոսազրույց է ունեցել ֆրանսահայ լրագրող Լեո Նիկոլյանի հետ, որի մուտքը ՀՀ արգելվել է
Զրպարտության համար` մինչև 6 միլիոն դրամ տուգանք. նախագիծն ամբողջությամբ ընդունվեց
Հասարակություն
24.03.2021 | 10:36
Ազգային ժողովը երկրորդ ընթերցմամբ և ամբողջությամբ ընդունեց «Իմ քայլը» խմբակցության պատգամավոր Ալեն Սիմոնյանի ներկայացրած՝ ՀՀ քաղաքացիական օրենսգրքում փոփոխություններ կատարելու մասին նախագիծը, որով առաջարկվում է մեծացնել զրպարտության և վիրավորանքի համար նախատեսված տուգանքի չափը։
Սիմոնյանի խոսքով՝ օրենսդրական փոփոխությունը վիրավորանքի և զրպարտության դեպքում նյութական վնասի հատուցման համար նախատեսված նվազագույն աշխատավարձի՝ մինչև հազարապատիկի և մինչև երկուհազարապատիկի չափը բարձրացնելու մասով, անձանց համար կապահովի լրացուցիչ երաշխիքներ՝ արժանապատվությունը կամ գործարար համբավը ոչ միայն ֆիզիկական անձի, այլև ԶԼՄ-ների կեղծ կամ վիրավորական ոտնձգություններից պաշտպանելու համար:
Նախագծում առաջին ընթերցումից հետո փոփոխություններ են եղել, մասնավորապես, թվերը նվազել են՝ վիրավորանքի համար սահմանվել է 3000-ապատիկ և զրպարտության համար՝ 6000-ապատիկ տարբերակները:
