22.02.2026 | 22:33
Ձմեռային Օլիմպիական խաղերի մեդալային հաշվարկում Նորվեգիան հաղթեց ռեկորդով
Վրաստանի ՆԳՆ-ն հերքել է ռուս-վրացական սահմանին բեռնատարի հայ վարորդի սպանության մասին լուրերը
Քաղաքականություն
24.03.2021 | 12:50
Վրաստանի ՆԳՆ-ն ոչ մի տեղեկություն չի ստացել ռուս-վրացական սահմանի «Վերին Լարս» հսկիչ-անցակետում բեռնատար մեքենաների վարորդների միջև ծեծկռտուքի մասին։
«Մենք վարորդների միջև ծեծկռտուքի կամ զոհերի մասին ոչ մի հաղորդում չենք ստացել։ Նման բան չկա»,- Sputnik-Georgia-ին հայտնել են գերատեսչությունից։
Նշենք, որ ավելի վաղ ռուսական լրատվամիջոցներում տեղեկություն էր հայտնվել ռուս-վրացական սահմանին բեռնատար մեքենաների վարորդների միջև ծեծկռտուքի մասի, ինչի հետևանքով մեկ մարդ է մահացել: «360» լրատվականը հայտնել էր, թե ծեծկռտուքի հետևանքով բեռնատարներից մեկի վարորդը, ենթադրաբար՝ ծագումով թուրք, սպանել է հայ վարորդի։ Ըստ աղբյուրի՝ վիճաբանությունը տեղի է ունեցել չեզոք գոտում։
