18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Խաչակնքվեք. Ալեն Սիմոնյանը՝ Նիկոլ Փաշինյանին կրկին վարչապետի թեկնածու առաջադրելու մասին. ՏԵՍԱՆՅՈՒԹ
Քաղաքականություն
23.03.2021 | 18:32
Ընտրական օրենսգրքի շուրջ խորհրդակցությունները շարունակվում են: Իմ կարծիքով՝ ԸՕ-ն պետք է փոխվի. ռեյտինգային համակարգն իզուր մրցակցություն է, այդ համակարգը լավը չէ: Այս մասին Factor.am-ի հետ զրույցում նշեց ԱԺ փոխնախագահ Ալեն Սիմոնյանը: Նա նաև հավելեց, որ պետք է քննարկել ՀՀ-ն կիսանախագահական կառավարման ձևին վերադարձնելու մասին:
Անդրադառնալով դիտարկմանը, որ «Իմ քայլի» առանցքային դեմքերն արդեն հայտարարել են, որ արտահերթ ընտրություններին երկայանալու են Նիկոլ Փաշինյանի դեմքով, Ալեն Սիմոնյանը նշեց. «Զարմանում եմ, որ այդպիսի հարց եք տալիս. ի՞նչ է նշանակում, թե ինչու ենք Նիկոլ Փաշինյանի դեմքով հանդես գալու: Նա ՀՀ քաղաքացիների ընտրյալն է և մեր քաղաքական առաջնորդն է, և «Իմ քայլը» հենց ստեղծվել է Նիկոլ Փաշինյանին որպես վարչապետ առաջադրելու և ՀՀ ժողովրդի ցակությունն իրականացնելու համար»:
Հասարակությունն էլ զարմանում է՝ մտածելով, թե «Իմ քայլը» ժողովրդավարական կուսակցություն չէ՞, որ չի քննարկում այլ թեկնածուների հարց: Անդրադառնալով այս դիտարկմանը և հարցին, թե արդեն քննարկում եղե՞լ է, որ առաջադրվելու է Նիկոլ Փաշինյանը, Սիմոնյանն ընդգծեց. «Իրողություններն այնպիսին են, որ նման հարցի քննարկումը նույնիսկ անտեղի եմ համարում… «Իմ քայլի» և ՔՊ-ի առաջին համարը և վարչապետի թեկնածուն կա և մնալու է Նիկոլ Փաշինյանը»:
Անդրադառնալով դիտարկմանը, թե կարծես դեժավյու լինի՝ ՀՀԿ-ն էլ Սերժ Սարգսյանին էր անփոխարինելի համարում, Սիմոնյանը նշեց. «Դեժավյուի հետ կապված՝ ասեմ, որ խաչակնքվելն օգնում է, ինչ վերաբերում է համեմատականին, ապա այն անտեղի է, որովհետև Սերժ Սարգսյանը երբևիցե ընտրված չի եղել և երբեք այդքան բարձր վարկանիշ չի ունեցել, որքան ՀՀ վարչապետ Ն. Փաշինյանը»:
Մանրամասները՝ տեսանյութում:
