18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Կոլորադոյում հրաձգության հետևանքով 10 մարդ է զոհվել․ Reuters
Քաղաքականություն
23.03.2021 | 17:38
ԱՄՆ Կոլորադո նահանգի Բոուլդեր քաղաքի King Soopers սուպերմարկետում հրաձգություն է տեղի ունեցել, որի հետևանքով զոհվել է 10 մարդ, որից մեկը՝ ոստիկան։ Այս մասին հայտնում է Reuters-ը։
Նշվում է, որ տղամարդը սկզբում կրակ է բացել սուպերմարկետի մոտ, այնուհետև կրակոցները շարունակել ներսում։ Ահազանգով առաջինը դեպքի վայր է ժամանել 51-ամյա ոստիկան Էրիկ Թելլին, որը սպանվել է հրաձիգի արձակած փամփուշտից։
Իրավապահների հետ ունեցած փոխհրաձգության հետևանքով հանցագործը վիրավորվել է և ձերբակալվել։ Ոստիկանությունը փորձում է պարզել հնարավոր հանցակիցների առկայությունը, դեպքի հանգամանքները և կիրառված զենքի տեսակը։
Դեպքի առնչությամբ՝ տեղի իշխանություններն այլ մանրամասներ չեն հաղորդել։ Հրաձգության դրդապատճառը դեռևս անհայտ է։
Նելլի Մելքոնյան
