11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Բուլղարիան երկու ռուս դիվանագետների կարտաքսի երկրից
Քաղաքականություն
22.03.2021 | 20:54
Բուլղարիայի իշխանությունները երկու ռուս դիվանագետների անցանկալի անձ են հայտարարել «լրտեսական սկանդալի» պատճառով։ Այս մասին գրում է ՌԻԱ Նովոստին՝ վկայակոչելով Սոֆիայում ՌԴ դեսպանատան հաղորդագրությունը:
«Հետաքննության ընթացքում պարզվել է, որ Ռուսաստանի Դաշնության երկու քաղաքացիներ իրականացնում են անվերահսկելի հետախուզական գործողություններ, որոնք անհամատեղելի են դիվանագիտական հարաբերությունների հետ»,- ասված է Բուլղարիայի դատախազության տարածած հայտարարության մեջ:
Դիվանագետներին 72 ժամ ժամանակ է տրվել՝ երկիրը լքելու համար:
Սոֆիայում ՌԴ դեսպանատունն անհիմն է որակել աշխատակիցների արտաքսումը:
Հիշեցնենք՝ մարտի 18-ին Բուլղարիայի դատախազությունը հայտնել էր, որ կասկածյալների է ձերբակալել Ռուսաստանի օգտին լրտեսություն անելու համար: Գերատեսչության վարկածով՝ խմբի ղեկավարը բուլղարական ռազմական հետախուզության նախկին բարձրաստիճան աշխատակից է, որն ավարտել է նաև Մոսկվայի հետախուզական դպրոցը:
