20.05.2026 | 10:03
«Արսենալը» 22 տարի անց դարձել է Անգլիայի չեմպիոն․ ՏԵՍԱՆՅՈՒԹ
Հայ ուխտավորները ռուս խաղաղապահների ուղեկցությամբ այցելել են Դադիվանք և Ամարաս
Հասարակություն
22.03.2021 | 20:22
Վերջին երկու օրվա ընթացքում ավելի քան 100 ուխտավորներ այցելել են Դադիվանք և Ամարաս վանքեր ՝ ռուս խաղաղապահների ուղեկցությամբ, հայտնում է ՌԴ ՊՆ կայքը:
Մի խումբ հայ ուխտավորներ, ռուսական խաղաղապահ զորախմբի ռազմական անձնակազմի ուղեկցությամբ, այցելել են Դադիվանք վանական համալիր:
Ձեռք բերված պայմանավորվածությունների արդյունքում կազմակերպվել է ուխտավորների մուտքը համալիրի տարածք՝ ռուս խաղաղապահների ուղեկցությամբ: Անվտանգությունն ապահովելու համար վանական համալիրի մոտակայքում տեղակայված է Ռուսաստանի խաղաղապահ զորախմբի դիտակետերից մեկը:
Դադիվանքը քրիստոնեական ամենահին վանքերից մեկն է և գտնվում է Քարվաճառի շրջանի տարածքում, որը, համաձայն նոյեմբերի 9-ի եռակողմ հայտարարության, անցել է Ադրբեջանի վերահսկողության տակ։
Ռուս խաղաղապահները նաեւ ապահովել են հայ ուխտավորների անվտանգությունը Ամարասի քրիստոնեական վանք այցելելիս, որը գտնվում է Լեռնային Ղարաբաղի սահմանազատման գծին հարող տարածքում:
