31.07.2026 | 23:31
ՀԾԿՀ նախագահը այցելել է «Երևանի ՋԷԿ». քննարկվել են էներգաբլոկի ներկայիս հնարավորությունները
Կա Նիկոլ Փաշինյան և իր կցորդները․ Գևորգ Գորգիսյան. ՏԵՍԱՆՅՈՒԹ
Քաղաքականություն
22.03.2021 | 16:57
Փաստացի «Իմ քայլը» քաղաքական ուժը գոյություն չունի, կա նիկոլ Փաշինյան և նրա կցորդներ, և ինչպես որոշում է Նիկոլ Փաշինյանը, այդպես էլ լինում է: Այս մասին Factor.am-ի հետ զրույցում նշեց «Լուսավոր Հայաստան» խմբակցության պատգամավոր Գևորգ Գորգիսյանը՝ անդրադառնալով դիտարկմանը, որ «Իմ քայլը» ընտրություններին պատրաստվում է կրկին առաջադրել Նիկոլ Փաշինյանի թեկնածությունը:
«Եթե լիներ քաղաքական ուժ, մենք վաղուց կունենայինք վարչապետի փոփոխություն, բայց քանի որ չկա քաղաքական ուժ՝ «Իմ քայլի» տեսքով, մենք ունենք Նիկոլ Փաշինյան և իր կցորդներ: Եվ հիմա պատահական չէ Ընտրական օրենսգրքի փոփոխության իրենց առաջարկը, իրենց գաղափարն այն է, որ լինի առաջին համար և նրա կցորդներ՝ փակ համամասնական համակարգի մասին է խոսքը: Եթե «Իմ քայլը» լիներ թիմ, քաղական ուժ, այլ վարչապետ կունենայինք, բայց քանի որ չկա, սպասել, որ քարոզարշավին «Իմ քայլը» նոր դեմքով հանդես կգա, անիմաստ է»:
Գորգիսյանի դիտարկմամբ՝ Նիկոլ Փաշինյանը տապալել է ողջ պետությունը և բոլոր այն ինստիտուտները, որին «կպել» են, և ամեն օր վնաս են հասցնում ՀՀ-ին:
Մանրամասները՝ տեսանյութում:
