11.10.2026 | 20:00
15 հազար մարդ Հայաստան է գալիս․ ի՞նչ է սպասվում COP17-ում․ բնությունը մարդուց պաշտպանելու ՇԵՐՏԵՐԸ
Եվրոպայում COVID-ի 3-րդ ալիքն է․ սահմանափակումները խստացվում են, պատվաստանյութը՝ շարունակում խնդիր մնալ․ CNBC
Քաղաքականություն
22.03.2021 | 16:56
Կորոնավիրուսի՝ «համավարակ» հայտարարվելուց ավելի քան մեկ տարի անց Եվրոպան շարունակում է պայքարել վիրուսի դեմ`վարակի երրորդ ալիքի և սահմանափակումների խստացման պայմաններում․ գրում է CNBC-ն։
Միևնույն ժամանակ, արտադրական խնդիրների և մատակարարման խոչընդոտների հետևանքով, Եվրամիությունում պատվաստումների թողարկումը դանդաղ է ընթանում։ ԵՄ անդամ երկրների ղեկավարներն այս շաբաթ հանդիպելու են՝ ևս մեկ անգամ քննարկելու պատվաստանյութերի արտահանման հնարավոր արգելքների ներդրումը:
Միևնույն ժամանակ մի քանի երկիր վերսկսում է արգելափակումները՝ վարակի երրորդ ալիքը զսպելու համար: Ֆրանսիան, Լեհաստանը և Ուկրաինան ավելի խիստ միջոցառումներ են կիրառում հանգստյան օրերին: CNBC-ի փոխանցմամբ՝ դրանք առնվազն մի քանի շաբաթ կշարունակվեն։
Շաբաթ՝ մարտի 20-ին, Փարիզում և Ֆրանսիայի 15 այլ շրջաններում, վերականգնվել է մեկամսյա մասնակի լոքդաունը՝ պակասեցնելու համար վարակման դեպքերի աճող թվերը, որոնք հիմնականում վերագրվում են կորոնավիրուսի նոր, ավելի վարակիչ տարբերակներին։
Հավելենք՝ Եվրոպայում COVID-19-ի հաստատված դեպքերով առաջատարը Մեծ Բրիտանիան է։ Այնտեղ մինչ օրս վարակման 4.2 միլիոն դեպք է գրանցվել։ Երկրորդ տեղում Ֆրանսիան է։ Կորոնավիրուսի ամենամեծաքանակ դեպքերով երկրների շարքում են հաջորդաբար Իտալիան, Իսպանիան և Գերմանիան։ Մահացության դեպքերով Եվրոպայում առաջատարները Մեծ Բրիտանիան և Իտալիան են՝ համապատասխանաբար՝ 126 և 104 հազար դեպքով։
Նելլի Մելքոնյան
