17.09.2026 | 15:02
Շոյգուն հայտարարել է, թե ՀՀ-ում ՌԴ ներդրումներով ընկերությունների նկատմամբ, իբր, «ռեյդերային զավթում» է իրականացվում
Դոնալդ Թրամփը մտադիր է սեփական սոցցանցը ստեղծել․ Business Insider
Քաղաքականություն
22.03.2021 | 14:56
ԱՄՆ նախկին նախագահ Դոնալդ Թրամփը մտադիր է սեփական սոցցանցը ստեղծել։ Այս մասին տեղեկանում ենք ամերիկյան Business Insider պարբերականից։
Լրատվամիջոցի փոխանցմամբ՝ Թրամփի խորհրդական Ջեյսոն Միլերը, ամերիկյան Fox News-ին տված հարցազրույցում նշել է, որ Թրամփի սոցիալական ցանցը կարող է գործունեությունը սկսել արդեն մի քանի ամսից՝ ներգրավելով տասնյակ միլիոնավոր օգտատերեր:
«Ես կարծում եմ՝ մոտ 2-3 ամսից կտեսնենք, թե ինչպես է նախագահ Թրամփը վերադառնում սոցիալական ցանցեր։ Կարծում եմ՝ սա ամենաթեժ քննարկվող թեման կդառնա»,- ասել է նա։
Հիշեցնենք՝ ԱՄՆ 45-րդ նախագահի օգտահաշիվներն առաջատար սոցիալական ցանցերում, այդ թվում` թվիթերում, յութուբում և Ֆեյսբուքում, արգելափակվեցին հունվարի 6-ին` Վաշինգտոնի կենտրոնում տեղի ունեցած անկարգություններից հետո։
Մինչ այդ՝ ԱՄՆ նախագահն օրական մի քանի տասնյակ թվիթ էր հրապարակում։ Այժմ նա իր գրասենյակի կամ խորհրդականների թվիթերյան էջերի միջոցով է հայտարարություններ տարածում։
Նելլի Մելքոնյան
