09.06.2026 | 21:24
Ադրբեջանը ծրագրում է Թուրքիայից KAAN կործանիչներ գնել
Աշխարհում 2.2 մլրդ մարդ ապրում է առանց անվտանգ ջրի հասանելիության․ այսօր ջրի համաշխարհային օրն է
22.03.2021 | 14:05
1993 թվականից ի վեր՝ ամեն տարի մարտի 22-ը նշվում է որպես Ջրի համաշխարհային օր։ 2021 թվականի Ջրի համաշխարհային օրվա թեման է «Արժևորել ջուրը»։ Այս մասին տեղեկանում ենք ՄԱԿ-ի պաշտոնական կայքից։
Այս տարի, կորոնավիրուսային համավարակով պայմանավորված, Ջրի համաշխարհային օրը նշվելու է առցանց միջոցառումներով։
ՄԱԿ-ում նշում են, որ օրվա նպատակը ջրի կարևորության նշանավորումն է։ Այն նաև միջոց է՝ բարձրացնելու իրազեկվածութունն առ այն, որ այսօր աշխարհում 2.2 միլիարդ մարդ ապրում է առանց անվտանգ ջրի հասանելիության: Օրվան նվիրված միջոցառումների շրջանակում քննարկվում են նաև ջրի համաշխարհային ճգնաժամը հաղթահարելու գործողությունները: Հիմնականում ուշադրությունը կենտրոնացվում է Կայուն զարգացման 6-րդ նպատակին (ԿԶՆ 6) հասնելուն ուղղված ջանքերի աջակցությանը. այն է ջուր և սանիտարական պայմաններ բոլորի համար մինչ 2030թ.:
ՄԱԿ-ում մտահոգված են, որ այսօր ջուրը ծայրահեղ սպառնալիքի տակ է:
«Տնտեսական զարգացումն ու աշխարհի բնակչության թվի աճը նշանակում է, որ գյուղատնտեսությունը և արդյունաբերությունը ջրի ավելի մեծ պահանջարկ կունենան: Կլիմայի փոփոխությունը ջրի որակն առավել անկայուն է դարձնում և նպաստում է շրջակա միջավայրի աղտոտմանը: Թե ինչպես ենք մենք արժևորում ջուրը, կախված է նրանից թե ինչպես ենք կառավարում և բաշխում այս սահմանափակ, անփոխարինելի ռեսուրսը: Ջրի արժեքը շատ ավելի բարձր է, քան դրա գինը: Ջուրը հսկայական և բազմակողմանի արժեք ունի մեր կենցաղի, մշակույթի, առողջության, կրթության, տնտեսության և բնական միջավայրի ամբողջականության համար: Առանց ջրի իրական, բազմաչափ արժեքի համապարփակ ընկալման, մենք չենք կարողանա պահպանել այս կարևորագույն ռեսուրսը՝ ի շահ բոլորի»,- նշված է ՄԱԿ-ի կայքում։
Նելլի Մելքոնյան
