19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Օնիկ Գասպարյանն ազատված է, իսկ բանակը ենթարկվում է Արտակ Դավթյանին. Ռուստամ Բադասյան. ՏԵՍԱՆՅՈՒԹ
Քաղաքականություն
22.03.2021 | 12:47
Իրավական որևէ կազուս չկա՝ Օնիկ Գասպարյանն ազատված է պաշտոնից, Արտակ Դավթյանը նշանակված է համապատասխան պաշտոնում: Այս մասին լրագրողների հետ զրույցում արձանագրեց ՀՀ արդարադատության նախարար Ռուստամ Բադասյանը:
Նախարարը նշեց, որ վարչապետի հայտարարությունն ընդամենը արձանագրում է՝ վարչապետը որևէ լրացուցիչ գործողություն չի անում: «Եթե նախագահը չի դիմում Սահմանադրական դատարան կամ առարկությունը չընդունվելուց հետո համապատասխան հրամաանգիրը չի ստորագրում, ապա հրամանագիրն իրավունքի ուժով մտնում է ուժի մեջ»,-նշեց Բադասյանը:
Հարցին, թե այդ դեպքում ի՞նչ նշանակություն ունի Վարչական դատարանի որոշումը, նախարարը նշեց. «Այդ ակտը, մեր հստակ դիրքորոշմամբ, կոնկրետ նշված գործընթացի վրա ազդեցություն չունի: Ի՞նչ կլինի հետագայում՝ կտեսնենք դատավարության ընթացքում»:
Բադասյանի խոսքով՝ գործադիր իշխանությունը որևէ իրավունք չունի՝ չիրականացնելու Սահմանադրությամբ նախատեսվածը, նույնիսկ իր կամքը չի կարող փոխել, որովհետև Սահմանադրությունը հստակ ընթացակարգ է նախատեսել և այդ ընթացակարգի ավարտը կարգավորված է իրավունքի ուժով ուժի մեջ մտնող որոշումների հետ»:
Անդրադառնալով հարցի, թե ում պետք է ենթարկվի բանակը. ԳՇ 3 պետի անուն է շրջանառվում, Բադասյանը պատասխանեց «Սահմանադրության դրույթի ուժով այսօր արդեն ուժի մեջ մտած որոշմամբ՝ ԳՇ պետը Արտակ Դավթյանն է»:
Մանրամասները՝ տեսանյութում:
