18.12.2025 | 23:24
ՀՀ տարածքում ավտոճանապարհները հիմնականում անցանելի են
Ընտրական օրենսգիրքը հնարավոր է ընդունել շատ արագ. Ռուստամ Բադասյան. ՏԵՍԱՆՅՈՒԹ
Քաղաքականություն
22.03.2021 | 11:45
«Մենք համապատասխան դիրքորոշում կարտահայտենք, բայց կարծում եմ՝ երկար ժամանակ թե՛ քաղաքական ուժերի, թե՛ քաղհասարակության, թե՛ մեր հանրության մեծամասնության դիրքորոշումն այն է, որ ռեյտինգային համակարգը ամենահարմար համակարգը չէ ՀՀ-ի համար: Ռեյտինգային համակարգը տարիներ շարունակ համարվել է քողարկված մեծամասնական համակարգ, իսկ մեր երկրի համար, կարծում եմ՝ ավելի ճիշտ է, ավելի քաղաքական է և նպաստում է քաղաքական բանավեճի կայացմանը, եթե լինի մաքուր համամասնական համակարգ: Ընտրական օրենսգիրքն ԱԺ-ի կողմից արդեն դրվել է շրջանառության մեջ, ուղարկվել է Վենետիկի հանձնաժողով»,- այս մասին խորհրդարանում լրագրողների հետ ճեպազրույցի ժամանակ նշեց Արդարադատության նախարար Ռուստամ Բադասյանը անդրադառնալով քննարկումներին՝ արտահերթ խորհրդարանական ընտրությունների գնալ նո՞ր Ընտրական օրենսգրքով, թե՞ հնով:
Նախարարի խոսքով՝ եթե քաղաքական ուժերի ու հասարակության շրջանում լինի կոնսենսուս, և փոփոխությունները տեղի ունենան արագ, ապա որևէ խոչընդոտ չկա, որ արտահերթ ընտրություններն իրականացվեն մաքուր համամասնական համակարգով՝ կուսակցական ցուցակներով: «Ընտրական օրենսգիրքը հնարավոր է ընդունել շատ արագ»,- ընդգծեց նախարարը:
Մանրամասները՝ տեսանյութում:
