01.04.2026 | 17:33
Քննչական կոմիտեի նախագահի հրամանով 30 քննիչ է նշանակվել
Դատաիրավական չարեփոխումներ․ ավելացնում ենք դատավորների կախվածությունը․ Տարոն Սիմոնյան. ՏԵՍԱՆՅՈՒԹ
Քաղաքականություն
19.03.2021 | 12:46
«Այս չարեփոխումներով մենք ոչ թե ապահովում ենք դատարանների անկախությունն ու արդյունավետ աշխատանքը, այլ ավելացնում դատավորների կախվածությունը և սահմանափակում դատաիրավական իրավունքները՝ այդ թվում նաև դատավարության մասնակիցների, փաստաբանների և այլն: Այս մասին ԱԺ արտահերթ նիստում «ՀՀ դատական օրենսգրքում» փոփոխությունների նախագծի քննարկման ժամանակ ասաց «Լուսավոր Հայաստան» խմբակցության պատգամավոր Տարոն Սիմոնյանը:
«Դատավորները անկախ պետք է լինեն նաև մեկը մյուսից, և Բարձրագույն դատական խորհրդից ևս դատավորներն անկախ պիտի լինեն: ԲԴԽ լծակներն այնպիսին պետք է լինեն, որ ոչ թե միջամտեն դատավարության իրականացմանը, այլ հակառակը՝ դատավորների անկախությունը երաշխավորեն:
Ուզում եք անգամ դատավորների՞ն վերահսկել ԲԴԽ-ի միջոցով: Ի՞նչ է նշանակում՝ դատավարության մեջ փոփոխություն մտցնել և սահմանել, որ Վճռաբեկ դատարանի որոշման հիման վրա, եթե բեկանվում է ակտը, ուրեմն ստորադաս դատարանի դատավորի նկատմամբ կարգապահական վարույթ կարող է հարուցվել, մինչդեռ նույն դատավարական օրենսգիրքը արգելում է նման գործընթաց սկսելը»,- նշեց Սիմոնյանը՝ հավելելով, որ դատական անկախության անվան տակ չպետք է դատավորների կախվածությունն ավելացնենք:
Մանրամասները՝ տեսանյութում:
