27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Թուրքիայի արհամարհական վերաբերմունքը Ղրիմի զգայուն թեմային՝ անթույլատրելի է․ Մուրադով
Քաղաքականություն
18.03.2021 | 13:19
Ռուսաստանի Դաշնության նախագահին առընթեր Ղրիմի մշտական ներկայացուցիչ Գեորգի Մուրադովը անթույլատրելի է համարել Թուրքիայի դիրքորոշումը՝ Ղրիմը որպես ռուսական ճանաչելուց հրաժարվելը։
Թուրքիայի իշխանությունները բազմիցս հայտարարել են, որ չեն ճանաչում Ղրիմի անեքսիան ու աջակցում են Ուկրաինայի տարածքային ամբողջականությունը։
«Մենք դաշնային մակարդակում ունենք այնքան լայն և արդյունավետ հարաբերություններ Թուրքիայի հետ, որ, իմ կարծիքով, անընդունելի է արհամարհական վարվել այնպիսի զգայուն թեմայի առնչությամբ, ինչպիսին է Ղրիմի՝ Ռուսաստանին պատկանելությունը։ Երկու աթոռների միջև նստելը չի աշխատի, և շուտով դուք պետք է որոշում կայացնեք», – ասել է Մուրադովը «ՌԻԱ Նովոստիին» տված հարցազրույցում:
Նրա խոսքով ՝ այսօր օբյեկտիվ անհրաժեշտություն կա գործարկել ծովային լաստանավային գիծ Թուրքիայի և Ղրիմի միջև:
«Մենք մեծ թվով ազդանշաններ ենք ստանում թուրքական բիզնեսից` տարածաշրջանում աշխատելու ցանկությամբ: Թուրք գործարարներն արդեն իսկապես ակտիվ աշխատում են Ղրիմում, բայց նրանք ստիպված են քողարկվել տարբեր դուստր ձեռնարկություններով: Ցավոք, սա տնտեսական և քաղաքական անհրաժեշտություն է», – շեշտել է Մուրադովը:
Տաթև Ֆռանգյան
