17.09.2026 | 20:09
Ֆուտզալի Հայաստանի հավաքականը հաղթեց Մոլդովային
Բելառուսում բողոքի ակցիաների հետ կապված ավելի քան 400 քրեական գործ է հարուցվել․ DW
Քաղաքականություն
17.03.2021 | 19:24
Բելառուսում, բողոքի ցույցերի կապակցությամբ, շուրջ 460 քրեական գործ է հարուցվել ավելի քան 630 մարդու նկատմամբ։ Այս մասին հայտնում է Deutsche Welle-ի ռուսական ծառայությունը՝ վկայակոչելով Բելառուսի գլխավոր դատախազության մամուլի ծառայությանը։
631 անձի դեմ 468 քրեական գործ ուղարկվել է երկրի դատարաններ։ Այդ անձինք, ենթադրաբար, առնչվել են «անօրինական զանգվածային միջոցառումներին մասնակցությանը և հասարակական կարգը կոպտորեն խախտող գործողություններին»:
Գործերով ամբաստանյալները մեղադրվում են նաև հասարակական վիրավորանքի, բռնության և իրավապահ մարմինների աշխատակիցների նկատմամբ դրանց կիրառման սպառնալիքի, այլ մարդկանց ունեցվածքը և պետական խորհրդանիշները գրություններով և խուլիգանությամբ պղծելու համար։ Նշվում է, որ ավելի քան 400 մարդ արդեն դատապարտվել է:
Deutsche Welle-ի փոխանցմամբ՝ դատախազությունը իրավապահ մարմինների ուշադրությունը կենտրոնացրել է նման իրավախախտումներ կատարած քաղաքացիների արագ բացահայտման վրա, այդ թվում `օգտագործելով ավտոմատ սարքավորումներ և հատուկ ծրագրակազմ։
Գլխավոր դատախազության հաղորդագրության համաձայն՝ մեղադրյալների թվում են հայտնվել նաև Գրոդնոյի 35-ամյա մի բնակիչ, որը 2020-ի աշնանը սոցիալական Օդնոկլասնիկիում և Թելեգրամում վիրավորական մեկնաբանություններ է գրել իրավապահ մարմինների աշխատակիցների նկատմամբ` նրանց պաշտոնական պարտականությունները կատարելու վրեժխնդրության համար, ինչպես նաև Մինսկից մի կին, որը հունվարին «Вконтакте» -ի իր էջում հրապարակել է հաղորդագրություններ, որոնք կոչ էին անում ահաբեկչական գործողություններ իրականացնել, սոցիալական ատելություն հրահրել։
Հիշեցնենք՝ 2020 թվականի օգոստոսի 9-ին տեղի ունեցած ընտրություններում, ըստ Բելառուսի Կենտրոնական ընտրական հանձնաժողովի, մեծ առավելությամբ հաղթել է երկիրը 1994 թվականից ղեկավարող նախագահ Ալեքսանդր Լուկաշենկոն:
Ընտրություններից հետո հազարավոր մարդիկ բողոքի ցույցեր են անցկացրել, բախումներում սպանվել է մի քանի մարդ, հարյուրավոր քաղաքացիներ վնասվածքներ են ստացել:
Բելառուսի ընդդիմությունը և միջազգային իրավապաշտպան կազմակերպությունները պնդում են, որ իշխանությունները կեղծել են արդյունքները, իսկ քվեարկության ընթացքում տեղի են ունեցել համատարած խախտումներ:
