18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Լևոն Տեր-Պետրոսյանի հայտարարությունն անհեթեթ էր. Արփի Դավոյան. ՏԵՍԱՆՅՈՒԹ
Քաղաքականություն
17.03.2021 | 17:53
«Լևոն Տեր-Պետրոսյանի հայտարարությունն անհեթեթ հայտարարություն է»,- այս մասին Factor.am-ի հետ զրույցում նշեց «Իմ քայլը» խմբակցության պատգամավոր Արփի Դավոյանը՝ անդրադառնալով առաջին նախագահ Լևոն Տեր-Պետրոսյանի հայտարարության այն մասին, որ քաղաքական դաշտում ստեղծված իրավիճակից դուրս գալու լավագույն ելքը վարչապետ Նիկոլ Փաշինյանի հրաժարականն է և որպես երկրի ժամանակավոր ղեկավար անկուսակցական փոխվարչապետի նշանակումը:
«Առաջին նախագահի այդ հայտարարությանը որևէ կերպ արձագանքելը, մանրամասնելը, մեկնաբանելը և երկար այդ մասին խոսելը համարում եմ անիմաստ»,- նշեց Դավոյանը՝ հավելելով, որ Տեր-Պետրոսյանի առաջարկը ոչ տրամաբանական է:
«Մենք լուծման տարբերակները բազմիցս քննարկել ենք: Մենք հիմա խոսում ենք արտահերթ ընտրությունների մասին: Այս պահին իշխանությունը զբաղված է քննարկումներով, քաղաքական կոնսուլտացիաներով, մենք հայտնել ենք արտահերթ ընտրություններ անցկացնելու մեր պատրաստակամության մասին»,- նշեց պատգամավորը:
Մանրամասները՝ տեսանյութում:
