15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Պետք չէ խոսքի ազատությունը խառնել լկտիության և վարձու զրպարտության հետ․ Ալեն Սիմոնյան. ՏԵՍԱՆՅՈՒԹ
Քաղաքականություն
17.03.2021 | 11:44
«Ուզում եմ կոչ անել՝ հասկանանք, թե ինչ տարածաշրջանում և ինչ ժամանակահատվածում ենք մենք ապրում։ Ես չեմ կարծում, որ ճիշտ է խոսքի ազատությունը շփոթել լկտիության և վարձու զրպարտության հետ»,- այս մասին ԱԺ պետաիրավական հարցերի մշտական հանձնաժողովի նիստում ՀՀ Քաղաքացիական օրենսգրքում փոփոխություններ կատարելու մասին օրենքի նախագծի քննարկման ժամանակ հայտարարեց ԱԺ փոխխոսնակ Ալեն Սիմոնյանը։
Դիմելով նիստին ներկա արդարադատության փոխնախարար Վահե Դանիելյանին, Սիոմյանն ասաց․ «Կոչ եմ անում կառավարության ներկայացուցչին գիտակցել իրավիճակը և հասկանալ, որ թավշյա վերաբերմունքն այլևս անընդունելի է, և երբ հարց է հնչում՝ արդյո՞ք կա վիճակագրություն, կառավարության ներկայացուցիչը չի հիշում, որ կառավարության ղեկավարը, այս դեպքում՝ Տիգրան Ավինյանը հայց է ներկայացրել և հաղթել է, իսկ կառավարության ներկայացուցիչը փորձում է ապացուցել, որ լկտիությունը խոսքի ազատություն է, զրպարտությունը խոսքի ազատություն է, և սա կարող է վերաբերել որևէ ԶԼՄ-ի։ Ո՛չ, այն ԶԼՄ-ն, որը զբաղվում է լկտիությամբ կամ զրպարտությամբ, հանցագործ է»։
«Ես համարում եմ, որ այսօր ՀՀ-ում վիրավորանքն ու զրպարտությունը նույնիսկ պետք է քրեականացնել, որովհետև դա արդեն փոխում է ՀՀ պատկերը»,- ընդգծեց Սիմոնյանը։
Մանրամասները՝ տեսանյութում:
