19.01.2026 | 19:00
Էրդողանը մեծ դիվիդենտ ստացավ՝ չքանում է քրդական պետություն ստեղծելու ծրագիրը, նրանք զինաթափվում են․ Սագո Արեան․ ՏԵՍԱՆՅՈՒԹ
ԱՄՆ-ը հաջորդ շաբաթ պատժամիջոցներ կսահմանի ընդդեմ Ռուսաստանի․ CNN
Քաղաքականություն
17.03.2021 | 14:20
ԱՄՆ նախագահ Ջո Բայդենի վարչակազմը կարող է հաջորդ շաբաթ պատժամիջոցներ սահմանել ընդդեմ Ռուսաստանի ու Իրանի՝ 2020 թվականին ԱՄՆ ընտրություններին այդ երկրների միջամտության մեղադրանքների կապակցությամբ: Այս մասին երեքշաբթի օրը հայտարարել է CNN հեռուստաալիքը:
«Բայդենի վարչակազմը պատասխան կտա և դա կանի արագ ՝ պատժամիջոցներ կիրառելով, հավանաբար արդեն հաջորդ շաբաթ», – եթերում հայտնել է հեռուստաալիքի լրագրողը ՝ վկայակոչելով ԱՄՆ պաշտոնյաների շարքում սեփական աղբյուրներին: «Այս պատժամիջոցները, ըստ պաշտոնյաների, ամենայն հավանականությամբ կվերաբերեն նաև Իրանին», – նշում է CNN- ը:
Միացյալ Նահանգների ազգային հետախուզության տնօրենի գրասենյակը երեքշաբթի օրը հրապարակել է զեկույց՝ 2020 թվականի ԱՄՆ ընտրություններին միջամտելու մասին: Զեկույցում նշվում է, որ Ռուսաստանի իշխանությունները, իբր, անցյալ տարվա նախընտրական արշավի ընթացքում փորձել են վարկաբեկել Բայդենին, ինչպես նաև Դեմոկրատական կուսակցությանը, որի թեկնածուն է եղել նա: Հենց զեկույցում էլ նշվում է, որ ԱՄՆ իշխանությունները դրա հիման վրա սահմանափակումներ կմտցնեն:
Հավելենք, որ Ռուսաստանը նախկինում բազմիցս բարձր մակարդակով հերքել է Վաշինգտոնի մեղադրանքները ՝ կապված ԱՄՆ-ի ընտրական գործընթացներին միջամտելու վերաբերյալ։
Տաթև Ֆռանգյան
