11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Ֆրանսիայում COVID-19-ի նոր շտամ է տարածվել, որը չի հայտնաբերվում սովորական ՊՇՌ թեստերի միջոցով
Քաղաքականություն
16.03.2021 | 16:22
Ֆրանսիայի Բրետանի շրջանում մեկ հիվանդանոցի 8 հիվանդ մոտ հայտնաբերվել է COVID-19 կորոնավիրուսային հիվանդության նոր շտամ։ Այս մասին հայտնել է Ֆրանսիայի առողջապահության նախարարությունը։ Այս շտամը չի հայտնաբերվում սովորական ՊՇՌ թեստերի միջոցով․ վարակվածների մոտ եղել են հիվանդության բոլոր սիմպտոմները, սակայն թեստավորման նմուշները բացասական արդյունք են ցույց տվել։
Տեղեկացվում է, որ վիրուսի այս տարատեսակով վարակված լինելը բացահայտելու համար պահանջվում է արյան շճաբանական վերլուծություն իրականացնել։ Ըստ վերջին տվյալների՝ Ֆրանսիայում կորոնավիրուսով վարակվել է ավելի քան 4,1 միլիոն մարդ, մահացել՝ գրեթե 91 հազար մարդ: Երկիրում շարունակում են գործել սահմանափակումներ և պարետային ժամ:
Համաճարակի ողջ ընթացքում աշխարհում հայտնաբերվել են վիրուսի մի քանի շտամներ: Ենթադրվում է, որ նոր մուտացիաների մի մասը ավելի արագ է տարածվում, քան դասական վիրուսը:
Տաթև Ֆռանգյան
