31.10.2026 | 19:51
Քննարկվել են ՀՀ և բրազիլական ինքնաթիռաշինական համաշխարային ընկերության միջև համագործակցության հնարավոր հեռանկարները
Մահվան դեպքերի աճով Հայաստանն աշխարհում վատագույն տասնյակում է. պատճառների եռյակում կորոնավիրուսն է. ՏԵՍԱՆՅՈՒԹ
Քաղաքականություն
15.03.2021 | 21:35
2020 թվականին մահերի թիվը, 2019-ի համեմատ, ավելացել է 35 տոկոսով։ Մեկ տարվա ընթացքում ավելացած մահերի թվով Հայաստանն աշխարհում վատագույն տասնյակում է։
Ավելին՝ քովիդով պայմանավորված մահվան դեպքերը ընդհանուր մահացությունների պատճառների մեջ երրորդ տեղում են։ Factor TV-ի հետ զրույցում այս մասին նշեց Ազգային վիճակագրական ծառայության մարդահամարի և ժողովրդագրության բաժնի պետ Կարինե Կոյումջյանը։
Ի դեպ՝ այստեղ միայն պաշտոնապես քովիդի ախտորոշմամբ արձանագրված մահվան պատճառներն են նշվում։ Մինչդեռ այս տարի կտրուկ աճ կա չճշտված ախտորոշմամբ թոքաբորբերի քանակի առումով։
Մահվան դեպքերի աճի ցուցանիշը հատկապես մեծ է եղել 2020թ․ երրորդ և չորրորդ եռամսյակում։ Այն շարունակվում է նաև 2021թ-ին։ Դեռ միայն հունվարի նախնական արդյունքները կան․ դրանց համաձայն՝ արդեն իսկ 28․4 տոկոս աճ է գրանցվել։
Հիշեցնենք՝ սա հունվարի տվյալներն են, երբ, օրինակ, հունվարի 12-ին հաստատվել էր վարակի 485 նոր դեպք և 2 մահ, իսկ մարտի 12-ին հաստատված նոր դեպքերի թիվը 795 է, արձանագրվել է 10 մահ։
Մանրամասները՝ տեսանյութում։
Իրինա Մկրտչյան
