30.06.2026 | 15:55
Հայաստանը մեկ տարով երկարաձգել է մի շարք երկրների քաղաքացիների համար առանց վիզայի մուտքի ռեժիմը
Ադրբեջանի ԱԳՆ-ն Անն Լինդեի բրիֆինգին միջազգային ու տեղական լրատվամիջոցներին չի հրավիրել
Քաղաքականություն
15.03.2021 | 21:16
Ադրբեջանի իշխանությունները այսօր երկրի ԱԳ նախարարի ու ԵԱՀԿ նախագահ, Շվեդիայի արտգործնախարար Անն Լինդեի ճեպազրույցին չեն հրավիրել շատ լրագրողների, այդ թվում՝ միջազգային լրատվամիջոցների ներկայացուցիչների։ Այս մասին գրում է «Թուրան» գործակալությունը։
Ինչո՞վ է պայմանավորված Ադրբեջանի ԱԳՆ-ի այս որոշումը՝ պարզ չէ։ Սակայն սա բերել է նրան, որ Անն Լինդեի ելույթի բովանդակությունը մնացել է անհայտ լրատվամիջոցների մեծ մասի համար։
Ինչ վերաբերում է փոքրաթիվ իշխանամետ ԶԼՄ-ներին, ապա նրանք ներկայացրել են Լինդեի ելույթից մեկ-երկու անկարևոր դրվագ, փոխարենը ակտիվորեն լուսաբանել են ԱԳ նախարար Ջեյհուն Բայրամովի հայտարարությունները։ «Թուրանը» միայն երեկոյան է կարողացել ծանոթանալ Լինդեի ելույթին`տեքստը խնդրելով նրանից։
Դրանում, մասնավորապես, ասվում է, որ Ադրբեջանի ԱԳՆ-ի հետ հանդիպման արդյունքում Լինդեն նշել է, որ ուշադրություն կենտրոնում է տարածաշրջանում իրավիճակը, որը փոխվել է 2020 թվականի նոյեմբերի 9-ի հայտարարությունից հետո։ Ըստ նրա՝ դրա կետերի կատարումը, ներառյալ՝ գերիների թեման, ինչպես նաև հումանիտար իրավունքի հարգումը, հող կստեղծեն առաջընթացի համար։
«Ես լիովին սատարում եմ ԵԱՀԿ Մինսկի խմբի համանախագահների գործունեությունն ու իմ անձնական ներկայացուցչի աշխատանքը՝ հարատև խաղաղության հասնելու փնտրտուքներում։ Մնացել է լուծել մի շարք կարևոր հարցեր։ ԵԱՀԿ-ն ու միջազգային հանրությունը պետք է կարևոր դերակատարում ունենան որոշումների փնտրտուքի մեջ»,- ասել է Անն Լինդեն։
Էմմա Չոբանյան
