26.08.2026 | 23:30
Երևանում ապամոնտաժվել են ևս երկու ապօրինի կառույցներ. քաղաքապետարան
Դիմակները՝ նոր բնապահպանական խնդիր. մասնագետներն ահազանգում են. ՏԵՍԱՆՅՈՒԹ
Քաղաքականություն
15.03.2021 | 20:20
Համաշխարհային օվկիանոսում ամեն տարի ավելի քան 8 միլիոն տոննա պլաստիկ է հայտնվում։ Այժմ այնտեղ արդեն իսկ 5 տրիլիոնից ավելի պլաստիկի բեկոր կա։
Կորոնավիրուսի տարածումից ի վեր՝ իրավիճակը միայն սրվել է։ Օգտագործված դիմակները, ձեռնոցներն ու ախտահանիչների տարաներն ամեն օր հայտնվում են ջրում՝ ավելացնելով թափոնների քանակը։
Այսպես՝ Ֆիլիպիններում դիմակները խցանել են կորալային խութերը։ ԱՀԿ-ի 2020թ․ տվյալներով՝ covid-ի դեմ պայքարում ամսական 89 մլն դիմակ և 76 մլն ձեռնոց կպահանջվի։ Եթե աշխարհի բնակչության կեսն ամեն օր 1-ական դիմակ կրի, օրական գրեթե 4 միլիարդ օգտագործված դիմակ կգոյանա։
Բնության համաշխարհային հիմնադրամի (WWF) տվյալներով՝ յուրաքանչյուր բժշկական դիմակի բնական քայքայման համար 400-ից ավելի տարի է պահանջվում Բնապահպաններն ահազանգում են՝ եթե այսպես շարունակվի, շուտով ջրում ավելի շատ դիմակ կլինի, քան մեդուզա կամ կորալային խութ:
Մանրամասները՝ տեսանյութում։
Նելլի Մելքոնյան
