07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Ուտելիքի գներն ամբողջ աշխարհում են բարձրացել, խուճապահար չպետք է լինել․Վահան Քերոբյան. ՏԵՍԱՆՅՈՒԹ
Տնտեսություն
12.03.2021 | 12:55
Գնաճը պայմանավորված է միջազգային շուկայում բազմաթիվ գործոններով: Այս մասին լրագրողների հետ զրույցում ասաց ՀՀ էկոնոմիկայի նախարար Վահան Քերոբյանը:
«Տրանսպորտի գները, ծովային բեռնափոխադրումների գները կտրուկ բարձրացել են, բացի այդ՝ ուտելիքի գներն են ամբողջ աշխարհում բարձրացել, ու դրա հետևանքով ազդեցությունը Հայաստանի տնտեսության և գների վրա էական են»,- նշեց նախարարը:
Նրա խոսքով՝ Կենտրոնական բանկը և Կառավարությունը աշխատում են այն ուղղությամբ, որ հնարավորինս զսպեն գնաճը: Ըստ նրա՝ ԿԲ-ն գործիքակազմ ունի, որը կիրառում է:
«Բնականաբար, պետք չէ նաև խուճապահար լինել ինչ-որ մի ամսվա կտրուկ գնաճից: Եթե ինչ-որ մի ամիս ինչ-որ մասնավոր պատճառով գնաճ կա, դա չպետք է առիթ դառնա, որ անհավասարակշռված քայլեր ձեռնարկվեն: Ես վստահ եմ, որ Կենտրոնական բանկի մեր գործընկերները իրենց հսկողության տակ են պահում և արագ արձագանքում գնաճին: Ու ես կարծում եմ, որ հաջորդ ամիսներին մենք կտեսնենք գնաճի վերադարձը դեպի թիրախային միջակայք»,- ասաց Քերոբյանը:
Մանրամասները՝ տեսանյութում:
