31.10.2026 | 22:55
Հայտնաբերվել է զինծառայողի դի. ՊՆ
Փաշինյանի այցը ԶՈւ ԳՇ. ներկա են եղել նրա հրաժարականը պահանջող սպաները. Լուրեր
Քաղաքականություն
10.03.2021 | 18:05
Վարչապետ Նիկոլ Փաշինյանը հանդիպել է ԶՈՒ ԳՇ հրամկազմի հետ։ Շտաբի պետի պաշտոնից ազատված Օնիկ Գասպարյանի փոխարեն Փաշինյանին դիմավորել է շտաբի պետի տեղակալ Ստեփան Գալստյանը։ Հանդիպման մասնակիցների թվում են նաև շտաբի այն սպաները, որոնք ստորագրել են Փաշինյանի հրաժարականը պահանջող հայտարարության տակ։ Հանդիպմանը մասնակցել է նաև գեներալ-լեյտենանտ Արտակ Դավթյանը, որին Փաշինյանը առաջադրել է որպես շտաբի նոր պետ։
—
ՀՀ նախագահ Արմեն Սարգսյանը դեռևս չի ստորագրել Արտակ Դավթյանին Զինված ուժերի ԳՇ պետ նշանակվելու վերաբերյալ վարչապետ Նիկոլ Փաշինյանի առաջարկը: Նախագահի աշխատակազմից Factor.am-ին փոխանցել են, որ սահմանված եռօրյա ժամկետում կհրապարակեն իրենց որոշումը:
—
Առաջին նախագահ Լևոն Տեր-Պետրոսյանը ողջունել է ՀՀ Զինված ուժերի Գլխավոր շտաբի պետի որոշումը՝ իր պաշտոնանկության խնդիրը իրավական ճանապարհով վիճարկելու հարցում։ Առաջին նախագահը ևս մեկ անգամ գնահատել է բանակի զսպվածությունը՝ ընդդիմության կողմից իրեն քաղաքական գործընթացների մեջ ներքաշելու ճնշումների նկատմամբ։ Լևոն Տեր-Պետրոսյանը նշել է, որ հարկադրված է կրկնել, որ իշխանափոխության հարցը պետք է լուծվի բացառապես սահմանադրական ճանապարհով, ինչի նախապայմանը իշխանության եւ ընդդիմության միջեւ փոխզիջման անհապաղ կայացումն է։
—
Հայրենիքի փրկության շարժումը հանրահավաք է կազմակերպել Բաղրամյան պողոտայում, որտեղ արդեն օրեր շարունակ վրաններ են տեղադրված։ Երեկվանից նախաձեռնության անդամները փակել են Ազգային ժողովի մուտքերը։ Այսօրվա հավաքի ժամանակ նախաձեռնության վարչապետի թեկնածու Վազգեն Մանուկյանն ասել է, որ եթե ինքը լիներ ԳՇ պետ, կձերբակալեր Նիկոլ Փաշինյանին։
