24.04.2026 | 23:32
Կապանում ջրանջատում կլինի
Նախագահն Արտակ Դավթյանի հրամանագիրը չի ստորագրել. ԶՈՒ-ն մի քանի ժամ է՝ ԳՇ պետ չունի
Քաղաքականություն
10.03.2021 | 16:42
ՀՀ նախագահ Արմեն Սարգսյանը դեռևս չի ստորագրել Արտակ Դավթյանին Զինված ուժերի ԳՇ պետ նշանակվելու վերաբերյալ վարչապետ Նիկոլ Փաշինյանի առաջարկը: Նշենք, որ Փաշինյանն Արմեն Սարգսյանին նման առաջարկությամբ դիմել է առավոտյան, երբ իրավունքի ուժով աշխատանքից ազատվեց Օնիկ Գասպարյանը:
Նախագահի աշխատակազմից Factor.am-ին փոխանցեցին, որ նախագահը 3 աշխատանքային օր ունի ստորագրելու համար, և եռօրյա ժամկետում կհրապարակեն իրենց որոշումը:
Ուշագրավ է, որ հանրապետությունում գործող ռազմական դրության պայմաններում ՀՀ Զինված ուժերը մի քանի ժամ է՝ Գլխավոր շտաբի պետ չունի։ Առայժմ հայտարարված չէ նաև ժամանակավոր պաշտոնակատարի նշանակման մասին:
Նարեկ Կիրակոսյան
