Եթե ես լինեի ԳՇ պետ, Նիկոլ Փաշինյանին կձերբակալեի. Վազգեն Մանուկյան. ՏԵՍԱՆՅՈՒԹ

Լուրեր

28.03.2024 | 23:16
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
28.03.2024 | 23:01
Դեսպան Գալստյանն ու Ռումինիայի ԱԳՆ պետքարտուղարը կարևորել են միջգերատեսչական համագործակցության ակտիվացումը
28.03.2024 | 22:47
Որոշում եմ կայացրել այս պահին չհավակնել ԲԴԽ դատավոր անդամի թափուր տեղին. Վազգեն Ռշտունի
28.03.2024 | 22:39
Պապիկյանը մասնակցել է օպերատիվ հավաքների շրջանակում ռազմական տեխնիկայի ցուցադրությանը
28.03.2024 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
28.03.2024 | 21:44
Ո՞րն է Կոռուպցիայի կանխարգելման հանձնաժողովի «աքիլլեսյան գարշապարը». ԹԻՀԿ զեկույցը. ՏԵՍԱՆՅՈՒԹ
28.03.2024 | 21:38
Քաղաքական խորհրդակցություններ՝ Հայաստանի և Կորեայի ԱԳՆ-ների միջև
28.03.2024 | 21:35
ՌԴ-ում «Կրոկուս»-ի ահաբեկչության գործով չորս մեղադրյալների ահաբեկիչների և ծայրահեղականների ցանկում են ներառել
28.03.2024 | 21:22
Լոնդոնի ընկերության հետ քննարկվել են Երևանի նոր գլխավոր հատակագծի մշակմանն առնչվող հարցեր
28.03.2024 | 21:07
Թուրքիայի քրդերի ձայնը կարող է որոշիչ լինել Ստամբուլի քաղաքապետի ընտրություններում՝ տապալելու Էրդողանի կուսակցության թեկնածուին․ անդրադարձ
28.03.2024 | 20:46
Իսրայելի պաշտպանության բանակը հայտնել է, որ ՀԱՄԱՍ-ի ավելի քան 200 զինյալ է սպանվել Շիֆայի հիվանդանոցում
28.03.2024 | 20:34
Երևանում ծառի ճյուղը թեքվել և ընկել է էլեկտրական լարերի վրա
28.03.2024 | 20:15
Լավրովը հայտարարել է, թե ԵՄ առաքելությունը Հայաստանում վերածվում է ՆԱՏՕ-ի առաքելության
28.03.2024 | 20:00
ԱՄՆ-ն և ԵՄ-ն կասեն Փաշինյանին՝ վե՛րջ տուր խաղերիդ, ասա՝ ո՞ւմ հետ ես, ՌԴ-Արևմուտք պատերազմ է․ Արա Պապյան․ ՏԵՍԱՆՅՈՒԹ
28.03.2024 | 19:44
Տուգանքի 50 տոկոսը վճարելու դեպքում պարտավորությունը կհամարվի կատարված. ՆԳՆ
Բոլորը

Ընդդիմությունն ունի մեկ նպատակ՝ Նիկոլ Փաշինյանին հանել այնտեղից. բանակի դիրքորոշումը բարենպաստ է դրա համար, և այդ դիրքորոշումը մնացել է: Այս մասին, այսօր՝ մարտի 10-ին, Բաղրամյան պողոտայում ընդդիմության հանրահավաքից առաջ լրագրողների հետ զրույցում նշեց «Հայրենիքի փրկության շարժման» վարչապետի թեկնածու Վազգեն Մանուկյանը:

«Օնիկ Գասպարյանը դուրս է եկել, դիմել է վարչական դատարան: Ինչ ձևերով պետք է այդ հարցերը լուծվեն, դա իրավաբանների հարց է: Մեր նպատակը մնացել է նույնը»,- ասաց Վազգեն Մանուկյանը:

Նա հավելեց, որ Նիկոլ Փաշինյանին թվում էր, թե եթե ինքը հանի Օնիկ Գասպարյանին, ամեն ինչ նորմալ կլինի. «Բայց  այդպես չէ, բանակը վերահաստատեց իր կարծիքը, որ Նիկոլ Փաշինյանը վտանգ է ներկայացնում Հայաստանի անվտանգությանը: Ի սկզբանե բանակը փետրվարի 25-ին չհայտարարեց, որ գործողություններ է անելու: Բանակը հայտարարեց, որ Հայաստանի համար սպառնալիք է Նիկոլ Փաշինյանի վարչապետ լինելը, և դա ընկալվեց որպես Օնիկ Գասպարյանի թելադրանքը բանակին: Բայց այսօր Օնիկ Գասպարյանը դուրս եկավ, իսկ բանակը շարունակում է պնդել նույնը: Այդ իմաստով Նիկոլ Փաշինյանին ոչ մի բան էլ չհաջողվեց»:

Հարցին, թե հիասթափվա՞ծ է Օնիկ Գասպարյանից, Վազգեն Մանուկյանը պատասխանեց. «Ես մի քիչ ուրիշ ձևի ինձ կպահեի, ինքը էդ ձևի է պահում: Ինքը զինվորական մարդ է, և ի սկզբանե որոշել էին, որ բանակը չի մասնակցելու քաղաքականությանը, միայն անելու է այդ հայտարարությունը»:

«Օնիկ Գասպարյանին հանելու ամենավճռական քայլը արեց ոչ թե Նիկոլ Փաշինյանը, այլ ՀՀ նախագահը, որովհետև իր իրավասության տակ էր այդ հրամանագիրն ուղարկել ՍԴ, բայց չուղարկեց: Նա սկզբում հայտարարեց, որ դա չի համապատասխանում Սահմանադրությանը, բայց երկրորդ անգամ նույնը չհայտարարեց: Կարծում եմ՝ ճնշումներ եղել են, բայց եթե երկրի նախագահը ճնշումների ենթարկվելով պետք է որոշումներ ընդունի, ո՞ւմ է պետք այդպիսի նախագահը»,- նշեց Մանուկյանը: Նա երկրորդական համարեց ՀՀ նախագահի հրաժարական պահանջելը. «Դժբախտությունների առանցքը Նիկոլ Փաշինյանն է: Իրեն ծառայող շատ մարդ կա. մի նախագահ ավել, մի նախագահ պակաս, կարևոր չէ»:

Մանուկյանը կարծիք հայտնեց, որ Նիկոլ Փաշինյանը շարունակելու է բանակը «ջարդել». «Կհաջողվի նրա, թե ոչ, դա կախված է կորպուսի հրամանատարներից և այն մարդուց, ով կփոխարինի Օնիկ Գասպարյանին»:

Վազգեն Մանուկյանը հավելեց, որ չի կարծում, թե Օնիկ Գասպարյանն իր որոշումը կայացրել է ճնշումների հետևանքով. «Բնական է, որ իր հետ խոսել են, երևի հազար ու մի բան ասել, բայց իր որոշումները ես չեմ բացատրում որպես ճնշումների հետևանք: Ինքը որպես օրինապաշտ զինվորական իր որոշումն ընդունել է՝ ելնելով օրենքից»:

Դիտարկմանը, որ եթե Օնիկ Գասպարյանը հակառակն աներ, տանկեր դուրս բերեր փողոց, նրան կմեղադրեին արկածախնդրության մեջ, Մանուկյանը նշեց. «Ես նրանցից նման բան չէի սպասում, ինքս ինձանից կսպասեի այդպիսի բան, բայց իրենցից՝ ոչ: Եթե ես լինեի, ամեն գնով թույլ չէի տա, որ այս մարդը լիներ վարչապետ, մանավանդ եթե բանակի ղեկավար լինեի, բայց դա արկածախնդրության պես բան կլիներ: Ես գտնում եմ, որ այդ քայլը պետք է արվեր պատերազմի ժամանակ… Ես կոչ չէի անում, որ ոչ թե զինվորականներն իշխանությունը վերցնեն, այլ ասում էի՝ Փաշինյանն իշխանությունը պետք է հանձնի զինվորականներին, որովհետև փրկությունն այն ժամանակ դա էր»:

Ճշտող հարցին՝ եթե ԳՇ պետն ինքը լիներ, տանկեր կհանե՞ր փողոց, Մանուկյանը պատասխանեց. «ժողովրդի դեմ տաներ ինչո՞ւ պետք է հանեի, ժողովուրդն 90 տոկոսով դեմ է Փաշինյանին: Ես կձերբակալեի Նիկոլ Փաշինյանին»:

Մանրամասները՝ տեսանյութում: