31.10.2026 | 19:51
Քննարկվել են ՀՀ և բրազիլական ինքնաթիռաշինական համաշխարային ընկերության միջև համագործակցության հնարավոր հեռանկարները
Սեղմ ժամկետում ԳՇ պետի նոր թեկնածու կլինի, չի կարելի բանակին երկար լարվածության մեջ պահել. Խաչատրյան. ՏԵՍԱՆՅՈՒԹ
Քաղաքականություն
10.03.2021 | 12:09
«ԳՇ հայտարարությամբ խախտվել է ՀՀ Սահմանադրության 14-րդ հոդվածը, որի համաձայն՝ Զինված ուժերը ապահովում են ՀՀ անվտանգությունը, տարածքային անձեռնմխելիությունը և քաղաքական պրոցեսների մեջ պարտավոր են պահել չեզոքություն. սա սահմանադրական նորմ է: Եթե ուսադիր կրող մարդիկ փորձում են խախտել սահմանադրական նորմը, սրան արդարացում չկա»,-այս մասին Factor.am-ի հետ զրույցում նշեց «Իմ քայլը» խմբակցության պատգամավոր Արմեն Խաչատրյանը:
Վարչապետը գրառում է կատարել, որ Գլխավոր շտաբի պետը օրենքի ուժով ազատված է պաշտոնից: Մյուս կողմից՝ ինչու ԳՇ նոր պետ նշանակված չէ, կարծես թե իրավական կազուս է առաջացել: Անդրադառնալով այս դիտարկմանը՝ Խաչատրյանը նշեց. «Կարծում եմ՝ սեղմ ժամկետում ԳՇ պետի նոր թեկնածու կլինի, չի կարելի բանակին երկար լարվածության մեջ պահել, այս խնդիրները պետք է հանգուցալուծվեն: Բանակն այսպիսի լարվածության մեջ պահելն անընդունելի է. սա պետք է գիտակցեն այն պաշտոնյաները, որոնք լիազորված են այս խնդիրները լուծելու:
Ելնելով բանակը լարվածության մեջ պահելու անթույլատրելիությունից՝ ՀՀ նախագահին կոչ եմ անում արագ որոշումներ կայացնել և պետականության ամրապնդմանն ուղղված իր լիազորություններն իրականացնել»:
Մանրամասները՝ տեսանյութում:
