18.01.2026 | 21:30
Վահագն Խաչատուրյանն այցելել է Ժնևի Սուրբ Հակոբ եկեղեցի
Ադրբեջանի ատելության, թշնամանքի քաղաքականությունը երկարաժամկետ հաջողություն չի կարող ունենալ․ Սաքունց. ՏԵՍԱՆՅՈՒԹ
Քաղաքականություն
09.03.2021 | 15:45
Ատելության ու թշնամանքի վրա հիմնված քաղաքականությունը գուցեև կարճաժամկետ արդյունքներ և հաջողություններ ունենալու հնարավորություններ տա՝ տարածքների գրավման առումով, բայց որևէ երկրի երբևէ երկարաժամկետ հաջողություններ չի բերել: Այ մասին «Քսենոֆոբիան՝ Ադրբեջանում. գեներացվող ատելություն» թեմայով առցանց քննարկման ժամանակ նշեց Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը:
«Քսենոֆոբիայով՝ այլատյացությամբ զբաղվող երկրները խնդիրներ ու դժբախտություններ են առաջ բերում հարևան երկրներում, սակայն դա ի վերջո անխուսափելիորեն հանգեցնելու է այդ երկրներում տիրող ռեժիմների պարտությանն ու կործանմանը»,- նշեց Սաքունցը:
Իրավապաշտպանի խոսքով՝ ատելությանն ատելությամբ չպետք է պատասխանել. «Դա ամենաանհեռանկարային ու դատապարտված տարբերակն է, պետք է պայքարել քաղաքակիրթ տարբերակներով և երկարաժամկետ տեսլական պետք է ունենանք, պետք է ձևավորվեն ու զարգանան պետական կառույցները»:
Մանրամասները՝ տեսանյութում:
