31.10.2026 | 22:55
Հայտնաբերվել է զինծառայողի դի. ՊՆ
Փաշինյանը` Գեղարքունիքի անվտանգության մասին, Վազգեն Մանուկյանին կրկին մեղադրանք առաջադրվեց. Լուրեր
Քաղաքականություն
09.03.2021 | 15:07
Գեղարքունիքի մարզի շուրջ նույնպես անվտանգային միջավայրի փոփոխություն է տեղի ունեցել։ Այս մասին վարչապետ Նիկոլ Փաշինյանը ասել է մարզում անցկացրած խորհրդակցության ժամանակ։ Նա ասել է, որ պետք է քննարկեն՝ ինչպես են նոր իրավիճակում ապահովելու անվտանգությունը, ինչպես են փարատելու քաղաքացիների մտավախությունները։
—
«Կամուրջ» ծրագրով հատուցվել են 1133 շահառուներ, նրանցից 118-ը վիրավորում ստացած զինծառայողներ են, որոնց բժշկական հաստատությունը տրամադրել է եզրակացություն առ այն, որ բուժման ավարտից հետո 1-ին կամ 2-րդ հաշմանդամության կարգ ստանալու հավանականությունը մեծ է։ 1015-ը անհետ կորած զինծառայողների ընտանիքներ են:
—
Արցախում երեկ տեղացած առատ ձյան պատճառով զոհված զինծառայողների աճյունների որոնողական աշխատանքները ժամանակավոր դադարեցվել են: Հայտնում են Արցախի ԱԻ ծառայությունից։
—
Հայրենիքի փրկության շարժում նախաձեռնության վարչապետի թեկնածու Վազգեն Մանուկյանին նոր մեղադրանք է առաջադրվել, հայտնում է քննչական կոմիտեն։ Մանուկյանը կրկին մեղադրվում է իշխանությունը զավթելուն, սահմանադրական կարգը բռնի տապալելուն ուղղված հրապարակային կոչերի հոդվածով, սակայն մեղադրանքը լրացվել է նաև փետրվարի 26-ին Մանուկյանի արած մեկ այլ հայտարարությամբ։ Գործի նախաքննությունը ավարտվել է։
